DANIL 10:12 - Tanou Moonsoi Timugon

¹² Kono poyo, “Okou Danil, pai' kalaa'. Norongog noyo ri Aki Kapuuno' pakiasian muno intor ra orou kasaa' muno namatas koson minggana' inan koson mokoowot ra pangaratian. Minatong aku koson ra taam ru pakiasian muno.

DANIL 10:12 ပူးပေါင်းရင်းမြစ်များ

MAZMUR 69:10

Togom kuno ra Baloi Muno mapaang koson ra apui; nagasaban nilo Rirun lumumpa' ra inan kuno.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

DANIL 10:11

Kon ru malaikat no raki', “Okou Danil, motogom i Aki Kapuuno' rirun. Sukal no am rongogo' toojo ragu kuti. Sinusub aku mongoi rirun.” Karagu no ginio, sukal aku, am lakat poyo monontol.

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

IMAMAT 16:31

Orou raginio iono orou ondo' matulai kaga', paat ra ulun ru Israil mampali am lingon kalo mangandoi. Musiti' aturan ragitilo gagayaan ra sabuoi-buoi no.

UNTABAN 29:7

Paat ra orou koopor sila' katulu', akau musiti' tumimung ra sumambayang. Paat ra orou raginio akau musiti' mampali am pai' pangandoi.

MATIUS 28:10

“Pai' kano kalaa',” ragu ri Jisus risilo, “Ugar kano susubo' pabukat-pabukat Kuno mongoi ra Galilia, am giu' no makakito ilo Raki'.”

MATIUS 28:5

Indagu malaikat no ra ruandu'-ruandu' no, “Pai' kau kalaa'! Nakapandai aku maguyum kau ri Jisus ondo' sinalip i.

MARKUS 16:6

Ungkuyon i mindagu risilo, “Pai' kalaa'! Nakapandai aku maguyum kau ri Jisus ulun ru Nasarit ondo' sinalip i. Kalio Io ragiti. Binayag Io saguli'! Ilai', gitio intok napabantaan ra baangkai Nali.

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:30

Indagu poyo malaikat riso, “Maria, pai' kalaa', sabap ra maansayan i Aki Kapuuno' no rirun.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

LUKAS 24:38

Kaa' pangkuot Io risilo, “Kua guat kalaa' am kaimamang kau?

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.