DANIL 10:1 - Tanou Moonsoi Timugon

¹ Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 10:1 ပူးပေါင်းရင်းမြစ်များ

KASAUKAN 41:32

Nanginduaan ra inupi muno, arati' no baal raginio inaru' noyo ri Aki Kapuuno' am baalon No ginio ra mataki'.

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

IJRA 4:3

I Jirubabil, i Jisua am tingganai-tingganai ru ulun minindagu risilo, “Kalo makapakuan akai ra indangan min koson mambaal ra Baloi ru Tuhan, i Aki Kapuuno' mai. Akai galama' mambaal raginio, koson ra ondo' nanusuban ru Raja' Koris, raja' ru Pirsia.”

IJRA 4:5

Ilo nangani' niayuk ra rasua ra pagawai-pagawai ru pamarintaan ru Pirsia maa' raginio mamutat ra pambaalan no. Binaal nilo ginio saboi ra paat ru pamarintaan ru Raja' Darius.

IJRA 6:14

Tingganai-tingganai ru ulun ru Jaudi namparayus ra pambaalan ra Baloi ru Tuhan no ra maribok. Inunsu' ilo ru Nabi Agai am i Jakaria. Nopongo nilo pambaalan ra Baloi no sumugut ra susuban ri Aki Kapuuno' ru Israil am susuban ru Raja' Koris, Raja' Darius am Raja' Artasasta, raja'-raja' ru Pirsia.

IJRA 6:3

“Paat ra bilor kasaa' ra pamarintaan ru Raja' Koris, nangani' io ra susuban maa' raginio Baloi ru Tuhan giu' ra Jirusalim baalon saguli', koson ra intok ru ulun magibit ra taak am monolob ra taak simbalui. Sawat ru Baloi no musiti' 27 ngamito am pila' no 27 ngamito.

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

DANIL 1:21

Narayus i Danil nangandoi giu' ra istana no saboi ra Raja' Koris intor ra Pirsia, tumalimpuun mamarinta.

DANIL 1:7

Tingganai pagawai ru istana no nangani' risilo ra inggalan-inggalan bagu iono i Biltsajar, Sadrak, Misak am i Abidnigo.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 11:2

Ngaangai' ondo' raguon kuti motopot.” Kon ru malaikat no, “Talu ngaulun raja' poyo mamarinta ra Pirsia, sumunu' raja' kaapat ondo' langkaya' poyo intor ra ngaangai' no. Paat ra rasawat ru kuasa' am kalangkayaan nano, manggal io ra pamarintaan ru Junani.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 4:8

Kopongo raginio minatong i Danil uma' raki'. Io niayuk ininggalanan ri Biltsajar, sumugut ra inggalan ru dewa kuno. Nokoowot i Danil ra kuasa' intor ra ambiluo ru dewa-dewa ondo' mapasau, aku pana nantunung ra inupi kuno riso. Indagu aku:

DANIL 5:12

Mokoondo' io ra kapintaran intor ra bokon. Mapintar io am mapandai mambala' ra arati' ru inupi, tumaam ra sunggait, am niayuk mambala' ra ondo' noopot. Inggalan ru ulun no i Danil, kaa' raja' nanginggalan riso i Biltsajar. Piawo' io. Mambala' io ra arati' ru tulisan no rirun.”

DANIL 5:17

Taam i Danil, “Kitaakon tokou mambuli ra tangguang muno ra tayar muno galama', kapoam pataakin ra ulun bokon. Basaan ku am mambala' ra arati' ru tulisan no rirun.

DANIL 6:28

Io mangindangan am mamayag; mambaal ra kaimuagan-kaimuagan, ra tana' ti am poyo giu' ra suruga'. Io namayag ri Danil intor ra sinaam ru singa'.”

DANIL 8:16

Nokorongog aku ra bolos intor ra Sungoi Ulai mindagu, “Gabriil, pambala' toojo ra arati' ru pinaintalang no riso.”

DANIL 8:26

Pinaintalang intor ra taak simbalui ra susuab ti am taak simbalui ra mamai' ti ondo' pinakito rirun no niayuk masauk. Kaa' pai' raguo' ginio ra osoi ayuk, sabap ra lakat poyo mabuoi ra kalo poyo masauk baal raginilo.”

LUKAS 1:20

Atan ondo' rinagu kutu, masauk toojo ra orou inaru' no. Kaa' kalo mangintopot kou, kalo makaindagu kou saboi masauk atan ondo' rinagu kuli.”

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”