DANIL 1:4 - Tanou Moonsoi Timugon

⁴ Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 1:4 ပူးပေါင်းရင်းမြစ်များ

2 SAMUIL 14:25

Inompor i Absalom koson ra ulun ondo' maindon kaga' ra titikop ru Israil. Kolondo' sangulun pana ondo' maindon poyo intor riso. Intor ra pampalar ru kalayam saboi ra pompor ru abuk nano, kolondo' pipilat nano.

AMSAL 22:29

Ulun maturasik mangandoi pongondoyon ru raja'-raja' am sala' ka ulun kasuangan.

MAMPATANOU 7:19

Kapintaran mampasauk ra nopolonggom nano maikang poyo intor ra mopor ngaulun panguasa' ralalom ru rondo' bandar.

JISAYA 36:11

Kopongo raginio i Iliakim, Sibna, am i Joa minindagu ra pagawai no, “Tuan, pakimansunur no ramon ralalom ragu ru Aram. Maratian mai ragu raginio. Pai' noyo indagu ra ragu ru Ibrani. Ngaangai' ulun giu' ra rasawat ru timbok no makarati'.”

JIRIMIA 5:15

Ulun kau ru Israil, tatanga' Tuhan mamparatong ra rondo' bansa' intor ra pagun maalur koson mamulunsar ramuyun. Bansa' no maikang kaga' am soroi noyo intor ra galing i poyo. Kalo maratian min ragu nilono.

DANIL 2:10

Kon ru ulun-ulun maminson ra raja', “Kolondo' sangulun pana ra titikop ru tana' ti makapambala' rirun atan ondo' kasagaan muno. Iou pana ra raja' ondo' matulai am maikang kalo igondo' mangitaak ra ulun mangilong, ulun mapandai kaga' ra sihir am ulun makakapandayan mambaal koson raginio.

DANIL 2:2

Ginio ra nampiau raja' ra ngaangai' mangilong, ulun mapandai kaga' ra sihir, babalian, am ulun makakapandayan koson mambala' ra arati' ru inupi nano. Bulintok ra ngaangai' ulun no muma',

DANIL 3:8

Bulintok raginio noyo kukula' ngaulun Babilonia nangalap ra kaluagan koson maguyum ra kasalaan ru ulun ru Jaudi.

DANIL 4:7

Ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum ibiton muma'. Nantunung aku ra inupi kuno, kaa' kalo makapambala' ilo ra arati' nano.

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

DANIL 9:1

Raja' Darius ulun ru Midia, anak ungkuyon ru Raja' Agaswiros, nasauk ra raja' ru pamarintaan Babilonia.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

RINALATAN 7:20

Paat ragili i Musa inanak. Io am maindon toojo. Inalungan io buoi ru talu ngambulan ru matuo nali.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

TINGGANAI RU BANSA' 8:18

Kopongo raginio kuati' ri Gidion i Jiba am i Salmuna, “Ati kulaan baal ru ulun ondo' pinatoi min giu' ra Tabor no?” Taam ilo, “Baal nilo nansalu rirun, koson ra papag ru raja'.”