DANIL 1:2 - Tanou Moonsoi Timugon

² Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

DANIL 1:2 ပူးပေါင်းရင်းမြစ်များ

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

KASAUKAN 11:2

Paat ilo minanding tampilon ra sirangon, nakatuum ilo ra tana' limayak ra Babilonia am pamagun ilo ra intok raginio.

2 RAJA'-RAJA' 24:1

Paat ra pamarintaan ru Raja' Joyakim, Raja' Nibukadnijar intor ra Babilonia namulunsar ra Jiuda. Buoi talu ngambilor Raja' Joyakim kiminuku' kalalaat ra Raja' Nibukadnijar, kaa' tauli no giminuor Raja' Joyakim.

2 TUNUNG RU BANSA' ISRAIL 36:5

Raja' Joyakim makaumur ruo ngoopor am limo ngambilor paat io nasauk ra raja' ru Jiuda, am namarinta io giu' ra Jiuda buoi mopor am rondo' ngambilor. Makatula Raja' Joyakim ra Tuhan, i Aki Kapuuno' nano.

2 TUNUNG RU BANSA' ISRAIL 36:7

Raja' Nibukadnijar nagibit ra santayaran ra rapu' intor ra Baloi ru Tuhan ra istana nano giu' ra Babil.

IJRA 1:7

Pinasaguli' ru Raja' Koris ngaangai' mangkuk am sangkir ondo' ragili pinakai giu' ra ralalom Baloi ru Tuhan giu' ra Jirusalim. Kuliamos no inibit ru Raja' Nibukadnijar am binulian giu' ra ralalom ru kuil ru dewa-dewa nano galama'.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 42:24

Osoi kia napataak ra Israil no ra kalindu' ru pantula'? Tuhan galama', sabap ra makatula takau Riso! Kalo masaga' takau maayag maya' ra kasagaan Nano kapoam sumugut ra pangilaan Nano.

JIRIMIA 25:1

Paat ra bilor kaapat kalupus i Joyakim anak ungkuyon ru Raja' Josia nasauk ra raja' ru Jiuda, nakaalap aku ra tanou intor ra Tuhan intor ra ngaangai' mamagun ru Jiuda. (Baal ragitio nasauk paat ra bilor kasaa' ru pamarintaan ru Raja' Nibukadnijar giu' ra Babilonia.)

JIRIMIA 27:16

Aku pana nambala' boo ra imam-imam am ngaangai' mamagun ra minindagu Tuhan, “Pai' rongogo' nabi-nabi ondo' minindagu ra kalo boo mabuoi kuliamos ru Baloi Kuno ibiton saguli' intor ra Babilonia. Nagabau ilo ramuyun.

JIRIMIA 28:3

Ralalom ru buoi ruo ngambilor ti pasagulion Ku ngaangai' kuliamos ru Baloi Kuno, ondo' inaut ru Raja' Nibukadnijar ra Babilonia.

JIRIMIA 35:11

Kaa' paat ra Raja' Nibukadnijar namulunsar ra pagun ragitio, namatas akai koson matong ra Jirusalim maa' raginio magiru' intor ra saujor ru Babilonia am Siria. Ginio sabap ra akai minayan ra Jirusalim.”

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

DANIL 5:13

Nataki' i Danil inibit muma' ra raja'. Pangkuot raja' riso, “Okou kia i Danil, ulun ru Jaudi ra pinatiran ondo' inibit intor ra Jiuda minongoi ragiti ru raja', ama' kuno?

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

JAKARIA 5:11

Taam io, “Inibit nilo io ra Babilonia, am nambaal riso ra kuil ra giu' no. Paat mopongo kuil no, paayanon bakul no ra giu' no koson sambaan.”

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.

TINGGANAI RU BANSA' 4:2

Ginio ra nopoloso Tuhan risilo kinala ru Raja' Jabin, raja' ru ulun ru Kanaan ondo' namarinta giu' ra bandar Gajor. Panglima saujor nano iono i Sisira, ondo' minayan giu' ra Garosit-Gagoyim.

1 SAMUIL 5:2

Giu' ra bandar no, inibit nilo Kaban Nabantuan no pinaumpos ra kuil Dagon, dewa nilono. Pinabanta' nilo Kaban no ra sapapa' ru dewa sinungkalalaing no.