DANIL 1:17 - Tanou Moonsoi Timugon

¹⁷ Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

DANIL 1:17 ပူးပေါင်းရင်းမြစ်များ

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

2 TUNUNG RU BANSA' ISRAIL 1:10

Ginio ra anii' aku ra kapintaran am kapandayan ondo' musiti' aku mokoondo' koson mamarinta risilo. Amon ru kalo, kalo masaga' aku mamarinta ra ulun Muno ra masuang ti.”

2 TUNUNG RU BANSA' ISRAIL 1:12

Mangani' Aku rirun ra kapintaran am kapandayan. Suai raginio, mangani' Aku niayuk rirun ra kalangkayaan am rapu' ondo' masuang poyo kaga', am niayuk mampasauk rirun ra mauligan kaga' intor ra raja' ra bokon ondo' paat ra galing i am poyo paat ra orou tauli no.”

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

AYUP 32:8

Kaa' sotopot no Ambiluo ri Aki Kapuuno' Ondo' Maayo Kaga' kuasa' ondo' mangani' ra kapintaran ra ulun.

AMSAL 2:6

Tuhan noyo manaak ra kapintaran. Katutunan am karatian Io namuun.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

YEHEZKIEL 28:3

Indoson mu ra mapintar kou poyo intor ri Danil, saboi mapandayan mu ngaangai' ondo' inopot.

DANIL 1:18

Paat ra pupus ru talu ngambilor buoi igilaan ondo' inaru' ru raja' no, pinauma' ri Aspinas ngaangai' ungkuyon mamulok no ra Raja' Nibukadnijar.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 10:1

Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 2:19

Paat rondom raginio niayuk nampatutun i Aki Kapuuno' ra ondo' nakasibuni ra inupi no ri Danil ralalom rondo' pinaintalang. Pongompor i Danil ri Aki Kapuuno' panguasa' giu' ra suruga' am indagu,

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

DANIL 2:30

Nambala' noyo toojo i Aki Kapuuno' ra ondo' nakasibuni ra inupi no raki', sala' ka sabap no ra aku mapintar poyo intor ra osoi pana, kaa' maa' raginio maratian mu inupi no am makarati' ra suang ru guang muno.

DANIL 4:6

Nanusub aku ra ngaangai' ulun maminson giu' ra Babil maa' raginio matong muma' am mambala' ra arati' ru inupi kuno.

DANIL 5:14

Nokorongog aku ra nokoowot kou ra kuasa' intor ra ambiluo ru dewa-dewa ondo' mapasau, am mokoondo' kou ra kapandayan, mapandai am niayuk mapintar.

DANIL 7:1

Paat ra sarandaman, ra bilor kasaa' ra pamarintaan ru Raja' Bilsyajar koson ra raja' ru Babilonia, naginupi aku am nakaalap rondo' pinaintalang. Tinulisan ku inupi no am gitio noyo

DANIL 8:1

Paat bilor katalu ra pamarintaan ru Raja' Bilsyajar, nakakito aku ra pinaintalang karuo

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.