30 Kolondo' sabun makalulu' ra tula kuno.
Amon liminisang aku intor ra ralan ondo' motopot, kapoam guang kuno nabunduk ra baal ondo' malaat, amon ru kalindu' kuno majamol sabap ra tula,
kapoam mindagu ri Aki Kapuuno', ‘Atan sonor ru tula kuno Rirun? Kolondo' ampos maalap kuno kabalu' pana kolondo' tula kuno.’
Pinapatir aku ri Aki Kapuuno' ra ralalom ru jamol, saboi bayang kuno pana mangkara' ra majaka' aku.
Iou Tuhan, mambagu' aku ra kalindu' tatandu' ra aku kolondo' sala, am lumiput aku ra altar Muno koson sumamba Rirun.
Isasi' aku no, am masauk aku ra mapasau; bagui' aku no, am mapulak aku poyo intor ra gapas.
Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.
Kabalu' pana mariu' kou ra mansabun ra masuang, kaa' lakat Aku poyo makakito ra itom ru kasalaan muno.
Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?
Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.
Amon ru mindagu takau ra kolondo' tula takau, ragu ragitio abau ayuk, am kolondo' katapatan soroi ra guang takau.
