AYUP 9:24 - Tanou Moonsoi Timugon

²⁴ Pinataak ri Aki Kapuuno' tana' ti ra ulun malaat, am nompobolou ra ngaangai' akim. I Aki Kapuuno' nambaal ra ngaangai' ti. Amon ru sala' ka Io, osoi poyo?

AYUP 9:24 ပူးပေါင်းရင်းမြစ်များ

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

2 SAMUIL 19:4

Sinilian ru raja' bulos nano am nanulaboi ra mosongou, “Alii ra anak kuli! Anak kuli i Absalom! I Absalom, anak kuli!”

ESTER 6:12

I Mordikai pana turung saguli' boo giu' ra kulobon garabang istana. Kaa' i Gaman agou-agou minuli' ra baloi liliwa' nanili ra bulos nano sabap ra nauyu' kaga'.

ESTER 7:8

Nabaya' ra nangkausan ratu' i Gaman ra rasawat ru intok turungan ri Ester koson makimasi'. Kaa' paat raginio niayuk siminaguli' raja' intor ra taman istana. Pakakito raja' ri Gaman koson raginio, indagu raja', “Atan? Ulun ti lakat niayuk poyo baani manawo ra andu' raja' ragiti, ra saang kutu am ralalom ru istana ku galama'!” Karagu ayuk ru raja' gini, kukula' ngaulun sida-sida nanguluput ra ulu ri Gaman.

AYUP 10:3

Matimpok kia ra Okou mangimbolo' ti, magasab ra inangun Mutu galama', am mangiou ra inatangan ru ulun malaat?

AYUP 12:17

Binubul No kapintaran ru pamarinta, am nangkinibit ra tingganai nasauk ra kukuritin.

AYUP 16:11

Pinataak aku ri Aki Kapuuno' ra ulun malaat; pinaratu' No aku ralalom ru kalindu' ru ulun malaat.

AYUP 19:7

Golok aku, ‘Mapuka'!’ kaa' kolondo' noyo mangkirongog; gumolok aku makiindangan, kaa' kolondo' katimpakan.

AYUP 22:8

Pinakai mu kuasa' am pangkat muno koson mampagaau ra ngaangai' tana'.

AYUP 24:12

Giu' ra bandar morongog tangi' ru ulun ondo' napilatan, am ulun ondo' matipamukat, kaa' kalo rinongog ri Aki Kapuuno' pakiasian nilo.

AYUP 24:25

Maimbuali kia ru osoi ayuk baal raginio? Makaanggal kia osoi pana ra kinotopot ru ragu-ragu kutu?”

AYUP 32:2

Kaa' giu' no mokoondo' sangulun ondo' kalo nokoorot ra lasu' ru guang nano, sabap ra sinonsol ri Ayup i Aki Kapuuno' am migiangku ra kolondo' sala nano. Inggalan nano i Iligu anak ri Barakil, sangulun papag ri Bus, intor ra bansa' ru Ram.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JIRIMIA 14:4

Sabap ra kalo riminatu' rasam tana' mapua' kaga'; ulun-ulun magitanom nasindualan guang, nauyu' ilo am sinilian bulos.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”