AYUP 9:20 - Tanou Moonsoi Timugon

²⁰ Aku ti gumagaya' am kolondo' sala, kaa' ragu-ragu kuno rongogon koson makasala, moonong ragu ondo' mingkual intor ra kabang kuno koson ayuk mononsol raki'.

AYUP 9:20 ပူးပေါင်းရင်းမြစ်များ

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 10:15

Amon ru makatula aku, aibui boo raki' ti, kaa' amon ru mambaal aku ra motopot, kalo omporon aku. Naimbolo' aku am liningon inasaban.

AYUP 14:17

Mangampun Kou am mapainggalur ra tula kuno; pusoon Mu ngaangai' kasalaan kuno ragili.

AYUP 34:35

ra i Ayup mindagu ra kalo makarati', am ra ragu-ragu nano kolondo' arati'.

AYUP 35:16

Kolondo' onong ra okou marayus mindagu; nakito toojo raino ra kalo nakapandai kou ra rinagu muno.

AYUP 4:17

‘Maaru' lair ulun kalo majamaran ra saang ri Aki Kapuuno'? Maaru' lair ulun matulai ra saang ru Namangun risilo?

AYUP 9:15

Kabalu' pana kolondo' sala kuno, atan ikang kuno ondo' ak am makimasi' intor ri Aki Kapuuno', akim kuno?

AYUP 9:2

“Iou, nokorongog aku noyo ra ngaangai' no ragili. Kaa' ati kulaan kia ra ulun mamanang ralalom ru baal nano ri Aki Kapuuno'?

AYUP 9:29

Sinonsol aku no ri Aki Kapuuno', kua lioo' ku?

MAZMUR 130:3

Amon ru rayusin Mu mangkara' ra tula maino, osoi kia makalabus ra ukuman?

MAZMUR 143:2

Aku ulipon Muno, pai' aku akimi'; kolondo' sangulun pana ondo' kalo makasala ra saang Muno.

AMSAL 10:19

Masuang poyo raguon, maaru' mangkinibit ra masuang tula. Ulun mapintar totomolon ayuk ra mindagu.

AMSAL 17:20

Ulun ra mamparuung kolondo' kaansukan; ulun ra majamol kabang makaalap ra kajamaran.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.