AYUP 9:18 - Tanou Moonsoi Timugon

¹⁸ Kalo iowon No aku maminawo; tinotop No kaayagan kuno ra mapait.

AYUP 9:18 ပူးပေါင်းရင်းမြစ်များ

AYUP 10:20

Sala' ka kia kaayagan kuno maar mapupusan? Pai' boo panguliso raki'! Polosoo' aku sumia' ra paat kuno ondo' soroi ti.

AYUP 13:26

Nagibit Kou ra panguwan mapait raki'; nambalos Kou ra kasalaan kuno paat ra aku mamulok.

AYUP 27:2

“Ralalom inggalan ri Aki Kapuuno' Ondo' Maayo Kaga' Kuasa', i Aki Kapuuno' ondo' maayag, ondo' marara' mangani' raki' ra katimpakan am ondo' nampakapait ra kaayagan kuno,

AYUP 3:20

Kua kia ra ulun polosoon marayus maayag ra maimbolo'? Kua kia ra ulun ondo' mangiluk aniin ra sinda?

AYUP 7:19

Kalo kia makapagilong sala' Kou raki' maa' raginio sumimbat aku monolon ra tiwog?

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 88:7

Pinapatir Mu aku ra lobong malandom, ralalom ru luang ra molondom kaga' am malandom kaga'.

JIRIMIA 9:14

Bambalingatan ilo am siminamba ra sinungkalalaing Baal koson ra ondo' nangilaan ru kinamatuaan nilai.

SULABOI 3:15

Mapait ayuk pinataak Nano raki' koson ra inumon am akanon.

SULABOI 3:3

am ruruli' nampalamba' raki' ra kolondo' guang makaasi'.

IBRANI 12:11

Paat ra itakau loposon am ilaan koson raginio, mangiluk guang takau am sala' ka maansukan. Kaa' tauli no ilo ondo' loposon am ilaan ri Aki Kapuuno' koson raginio mokoowot ra kaansayan am masauk ra ulun ra motopot.

RUT 1:20

Taam i Naomi, “Pai' aku piawo' ri Naomi. Piawo' aku ri Mara, sabap i Aki Kapuuno' Ondo' Maayo Kaga' Kuasa' napasauk ra kaayagan kuno mapait.