AYUP 8:7 - Tanou Moonsoi Timugon

⁷ Ngaangai' kalangkayaan muno ondo' kalio no kolondo' onong, amon pinogondo' ra atan ondo' maalap muno ra maagu no.

AYUP 8:7 ပူးပေါင်းရင်းမြစ်များ

AYUP 42:10

Kopongo raginio, kopongo i Ayup nakiasi' ra tayar ru katalu-talu ngaulun rangan nano, pinasauk ru Tuhan i Ayup ra langkaya' saguli', am nangani' riso ra induo ruli' intor ra linonggom no ragili.

AYUP 5:11

Topot i Aki Kapuuno' ondo' napainsawat ra ulun musikin, am napakaansuk ra ulun mapagon.

AYUP 8:8

Karaa' toojo kapintaran ra galing i; karaa' noyo nailian ru kinamatuaan takali.

AMSAL 19:20

Ulun ondo' masaga' mangkirongog ra bilin am masaga' migigila', masauk io ra mapintar ra tauli no.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JAKARIA 14:7

kapoam kalandaman. Orou matawang ayuk, am niayuk paat ra rondom ti. Tuhan ayuk makapandai ra paat nano masauk.

MATIUS 13:12

Sabap ra osoi mokoondo', ruangin poyo, am maulian io; kaa' osoi kolondo', ondo' sanganu soroi riso no alapon niayuk.

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

2 PITRUS 2:20

Ulun ondo' nakaulig noyo ri Jisus Kristus, Tuhan am Mamamayag takau, kalo boo kuasaan ilo ru kalaatan ru tana' ti ondo' mampajamol ra kaayagan ru ulun. Kaa' amon ru sumaguli' ilo ra kalaatan nilai, saboi kalaan ilo ru kuasa' malaat no, pupus no lumaat poyo kaayagan nilo intor ra talimpuun i.