AYUP 6:9 - Tanou Moonsoi Timugon

⁹ Amon mangiou i Aki Kapuuno' mangumok raki', amon mimbuor Io am mamatoi raki',

AYUP 6:9 ပူးပေါင်းရင်းမြစ်များ

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

AYUP 10:1

Nasuraan aku no ra kaayagan kutu. Luaan ku mapait ra salibuor kutu.

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

AYUP 14:13

Moogot aku maa' raginio pasibunion Mu aku giu' ra intok ru ulun minatoi. Polosoon aku pasibunion saboi ra Okou kalo boo sumangit. Mopongo raginio aruo' orou koson mangkara' raki' saguli'.

AYUP 19:21

Rangan kau ngai'! Pakaasi' no raki'! Nampalamba' noyo kalindu' ri Aki Kapuuno' raki'.

AYUP 6:8

Kua kia ri Aki Kapuuno' kalo nangiou ra kitaakon kuno? Kua kalo tinaam No ra pakiasian kuno?

AYUP 9:21

Kolondo' sala kuno, kaa' raino kalo lioon ku. Nasuraan aku no naayag. Kolondo' boo ondo' maatang. Inda ru itakau motopot kapoam sala, mamuso i Aki Kapuuno' ritakau.

MAZMUR 32:4

Orou rondom inukum Mu aku, iou Tuhan; kolondo' boo lulu' kuno koson ra bolobou napua' ra lasu' ru mato ru orou.

JISAYA 38:12

Painawo kuno naukat, paminawaan pupus paabuson ku, koson ra kim ru mantatamung pinurun, koson ra konoon linompor intor kuliamos ru pambaalan ra konoon. Indos ku pupusin ri Aki Kapuuno' bayag kuno.

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

JUNUS 4:8

Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

PINAINTALANG 9:6

Buoi ru limo ngambulan no maguyum ulun-ulun ra patayan, kaa' kalo matoi ilo; moogot ilo matoi kaa' kapatayan maalur intor risilo.