AYUP 6:14 - Tanou Moonsoi Timugon

¹⁴ Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

AYUP 6:14 ပူးပေါင်းရင်းမြစ်များ

KASAUKAN 20:11

Taam i Abragam, “Indos ku, giti kolondo' osoi pana malaa' ri Aki Kapuuno' sabap saboi potoyon aku ru ulun ondo' masaga' mamundus ra andu' kuno.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

AYUP 15:4

Kinapalo mu guang ru ulun ondo' malaa' ri Aki kapuuno'; inompong mu ilo makiasi' Riso.

AYUP 16:5

Paikangon takamin ra bilin kuno, am marayus mindagu koson mangansuk ramuyun.

AYUP 19:21

Rangan kau ngai'! Pakaasi' no raki'! Nampalamba' noyo kalindu' ri Aki Kapuuno' raki'.

AMSAL 17:17

Kubayau masalok montotogom ra rondo' am bokon, am pongkotob masalok mansaan ra kapaganan ra rondo' am bokon.

AMSAL 25:19

Malansan ra sangulun ondo' kalo maintopot bulintok ra kapaganan koson ayuk mongokot kaa' ripon maunga' kapoam mugar kaa' kimpo'.

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

LUKAS 23:40

Kaa' sawayo' io ru rangan nali ra sinalip i, kono, “Kua pai' kou kalaa' ri Aki Kapuuno'? Okou niayuk inukuman nogondo' Riso.

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

1 KORINTUS 12:26

Amon ru rondo' tayar maimbolo', ngaangai' tayar ra bokon pana makaaya' kaimbolo'. Amon ru rondo' tayar omporon, ngaangai' tayar ra bokon no pana makaaya' pakaansuk.

2 KORINTUS 11:29

Amon ru sasangulun no malawo, aku pana makaliman ra kalawaan no. Amon ru sasangulun no makatula, aku pana mangiluk toojo guang.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.