AYUP 6:10 - Tanou Moonsoi Timugon

¹⁰ tumindak aku maansukan, kabalu' pana marualan aku kaga'. Nakapandai aku ra matulai i Aki Kapuuno'; kalo igondo' aku anggal ra susuban Nano.

AYUP 6:10 ပူးပေါင်းရင်းမြစ်များ

AYUP 11:4

Guang muno ra ragu-ragu muno kolondo' sala, am ra okou mapasau ra saang ri Aki Kapuuno'.

AYUP 15:11

Kua kia kalo apuon mu panimayo ri Aki Kapuuno'? Mindagu akai ra maamis am molomoi ra bala Nano.

AYUP 21:33

riribu ulun mugar mangator ra baangkai nilo, am molomoi tana' no mamumpun ra baangkai nilo.

AYUP 22:22

Apuo' noyo susuban ondo' tinaakan Nano; bulii' noyo ragu Nano ralalom ru guang muno.

AYUP 23:11

Maya' aku ra ralan Nano ra totopot, kalo lumisang aku intor ra ralan ondo' inaru' Nano.

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

AYUP 3:22

Kaansukan malimanan ayuk paat ra ilo matoi am lobongon.

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

MAZMUR 119:13

Tunungon ku ngaangai' ukum ra pinataak Muli.

MAZMUR 119:50

Kabalu' pana naimbolo' aku kaa' maansukan aku, sabap ra bantu' Muno namayag raki'.

MAZMUR 37:30

Ragu-ragu ru ulun moonsoi no matanda', am ilo galama' pana matimpok.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

ABAKUK 3:3

Matong Kou poyo intor ra Idom; Okou i Aki Kapuuno' ondo' matulai matong intor ra Kabuluran Paran. Katulayan Muno nakatikop ra limbowon; tana' ti natikop ra pangamparan Rirun.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.