AYUP 5:8 - Tanou Moonsoi Timugon

⁸ Amon ru soroi aku ralalom ru baal mino, gumolok aku ri Aki Kapuuno', Io no pakisaungan kuno, am pataakon baal kuno.

AYUP 5:8 ပူးပေါင်းရင်းမြစ်များ

AYUP 11:13

Ayup, kapasawo' guang muno, talikur no intor ra tula. Kakato' kalindu' am pakiasi' no ri Aki Kapuuno'.

AYUP 13:2

Atan ondo' napandayan min, aku pana nakapandai; aku ti kalo magana' poyo intor ramuyun.

AYUP 13:3

Kaa' masaga' aku mindagu Riso Ondo' Maayo Kaga' Kuasa', masaga' aku manaung ra baal kuno ra saang ri Aki Kapuuno'.

AYUP 22:21

Raino, Ayup, pobonsoi no ri Aki Kapuuno', am langgai' noyo mangkara' Riso koson ra pantula'. Amon ru mambaal kou koon raginio, barakaton No okou.

AYUP 22:27

Paat ra okou makiasi', tumaam Io, am masugut mu ngaangai' bantu' muno.

AYUP 8:5

Kaa' raino saguli' no ri Aki Kapuuno', am pakimasi' no Riso Ondo' Maayo Kaga' Kuasa'.

MAZMUR 37:5

Pataako' bayag muno ra Tuhan, lansan no Riso am mangindangan Io rirun;

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

1 PITRUS 4:19

Ginio nai ra osoi ayuk maimbolo' sabap ra gitio noyo inatang ri Aki Kapuuno', rayusin nilo ayuk mambaal ra moonsoi am pataakon nilo boo kaayagan nilo galama' Riso ondo' nampasauk risilo am Io maalap kalansani'.