AYUP 5:17 - Tanou Moonsoi Timugon

¹⁷ Pakaansuk noyo ulun ondo' sinawai ri Aki Kapuuno'! Pai' pangkaus amon ru okou ilaan No.

AYUP 5:17 ပူးပေါင်းရင်းမြစ်များ

AYUP 11:13

Ayup, kapasawo' guang muno, talikur no intor ra tula. Kakato' kalindu' am pakiasi' no ri Aki Kapuuno'.

AYUP 15:11

Kua kia kalo apuon mu panimayo ri Aki Kapuuno'? Mindagu akai ra maamis am molomoi ra bala Nano.

AYUP 36:15

Kaa' mangila' i Aki Kapuuno' ra ulun pabayaan ralalom ru kaimbalaan am mampaliman risilo pabayaan ralalom ru kapaganan.

AYUP 36:16

Pinalabus kou ri Aki Kapuuno' intor ra kapaganan, am pinoloso kou makasia' ra kaansayan, am mija' muno nososok ra akanon.

AYUP 8:5

Kaa' raino saguli' no ri Aki Kapuuno', am pakimasi' no Riso Ondo' Maayo Kaga' Kuasa'.

MAZMUR 118:18

Maagat pinangukum Nano raki', kaa' kalo polosoon No aku matoi.

MAZMUR 94:12

Iou Tuhan, pakaansuk noyo ulun ra inila' Muno, ulun ondo' inila' Muno ra ukum Muno.

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.