AYUP 42:8 - Tanou Moonsoi Timugon

⁸ Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”

AYUP 42:8 ပူးပေါင်းရင်းမြစ်များ

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

KASAUKAN 20:7

Kaa' raino pasagulio' io ra ralaki nano. Ralaki nano sangulun nabi am io makiasi' rirun maa' raginio kalo matoi kou. Kaa' amon ru kalo pasagulion mu, pakaraan Tokou matoi kou am niayuk ngaangai' mamagun muno.”

1 TUNUNG RU BANSA' ISRAIL 15:26

Tulu' ngainan sapi' gawayan am tulu' ngainan domba pinataak ri Aki Kapuuno' sabap ra nangindangan Io ra ulun ru Liwi ondo' nansaan ra Kaban Nabantuan no.

2 TUNUNG RU BANSA' ISRAIL 29:21

Koson ra taak koson mamuso ra tula ru sasambaloi ru raja' am niayuk tula ru mamagun ru Jiuda, am koson mamasau ra Baloi ru Tuhan, nagibit ilo tulu' ngainan sapi' gawayan, tulu' ngainan domba gawayan, tulu' ngainan anak domba, am tulu' ngainan kambing gawayan. Nanusub raja' ra imam-imam papag ri Arun mampataak ra ngaangai' bibiag no koson ra taak simbalui giu' ra rasawat ru altar.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

AYUP 1:8

Indagu Tuhan, “Inurio mu kia i Ayup, ulun ondo' mangandoi ayuk Raki'? Giti ra titikop ru tana' ti kolondo' ulun ondo' totopot gumagaya' kaga' am moonsoi koson riso. Sumambayang io Raki' am totopot pagilalain no maa' raginio kalo mambaal ra malaat.”

AYUP 22:30

Mamayag Io Rirun amon ru kolondo' sala muno, am amon ru mambaal kou ra kasagaan Nano.”

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

AYUP 42:9

Binaal ri Ialipas, Bildad am i Jopar atan ondo' nanusuban ru Tuhan, am nangiou Tuhan ra pakiasian ri Ayup.

MAZMUR 103:10

Kalo mangukum Io ritakau pabayaan ra tula takau. Kalo balasin No itakau pabayaan ra kasalaan takau.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JIRIMIA 14:11

Minindagu Tuhan raki', “Pai' noyo kitaako' Aku mangindangan ra ulun raginio.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

YEHEZKIEL 14:14

Kabalu' pana i Nuu, i Danil am i Ayup, talu ngaulun no minayan ra giu' no, kinoonsoi nilo makapamayag ayuk risilo galama'.” Koon raginio noyo ragu ru Tuhan Raja'.

YEHEZKIEL 45:23

Moonong orou ra buoi ru pangiantakan tulu' ngoorou no, ulun manguasa' musiti' mampataak ra tulu' ngainan sapi' gawayan am tulu' ngainan domba gawayan ondo' kalo najamaran ra Tuhan, koson ra taak simbalui koson mapabansuk ra guang ru Tuhan. Moonong orou musiti' io niayuk mampataak sanginan kambing gawayan koson ra taak simbalui koson mangampun ra tula.

UNTABAN 23:1

Indagu i Biliam ra Raja' Balak, “Baali' aku ra tulu' altar ragiti, am potomposo' tulu' ngainan sapi' gawayan am tulu' ngainan domba gawayan.”

UNTABAN 23:14

Nagibit Raja' Balak ri Biliam giu' ra padang Jopim, giu' ra tampak ru Gunung Pisga. Giu' no nambaal niayuk Raja' Balak ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 23:29

Indagu i Biliam ra Raja' Balak, “Baali' aku ra tulu' altar ragiti, am ibito' noyo tulu' ngainan sapi' gawayan am tulu' ngainan domba gawayan.”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

IBRANI 10:4

Sabap ra sotopot no raraa' ru sapi' gawayan am kambing gawayan kalo noyo makapangiru' ra tula.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

JAKUBUS 5:14

Amon ru mokoondo' intor ramuyun marualan, moonsoi ru mampiau io ra tingganai pasimpungan ulun Kristian no. Matong am makiasi' ilo koson io babason am pipilin io poyo ra umau ralalom inggalan ru Tuhan.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 25:35

Inapu ri Daut tinaakan ri Abigail, am kono boo riso, “Uli' no am pai' kaimamang. Suguton ku kitaakon muno.”