AYUP 42:3 - Tanou Moonsoi Timugon

³ Mangkuot Kou ra sasaban kuno ra baani pagantangan guang ra kapintaran Muno, alika kolondo' atan pana napandayan kuno. Mindagu aku intor ra baal ondo' kalo naratian kuno, intor ra baal-baal ondo' makaimuag kaga' raki' ti.

AYUP 42:3 ပူးပေါင်းရင်းမြစ်များ

AYUP 11:7

Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

AYUP 11:9

Katulayan ri Aki Kapuuno' malangka' poyo intor ra tana' ti, mapila' poyo intor ra raat maayo.

AYUP 13:1

Ngaangai' ondo' rinagu min no igondo' aku pokorongog am nakakito galama', am naratian ku toojo.

AYUP 38:2

“Osoi kia okou saboi baani pagantangan guang ra kapintaran Kuno ra ragu-ragu ondo' sasambungon am kolondo' onong no?

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 131:1

Rimbai ru ratangan ri Daut. Iou Tuhan, kalo minsawat guang kuno, kalo malilimbau aku. Kalo gogoton ku baal-baal ra kalo makangkou, kapoam ondo' mapagon kaga' raki'.

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

MAZMUR 40:5

Pakaansuk kano ulun ondo' mangintopot ra Tuhan, ulun ondo' kalo sumamba ra sinungkalalaing kapoam maya' risilo ondo' sumamba ra dewa.