AYUP 40:9 - Tanou Moonsoi Timugon

⁹ Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

AYUP 40:9 ပူးပေါင်းရင်းမြစ်များ

AYUP 23:6

Ngaangai' kinua' ru ikang ri Aki Kapuuno' mampagula' raki'? Kalo, rumongog Io ra ragu-ragu kuno.

AYUP 37:2

Akau ngaangai' no, rongogo' bolos ri Aki Kapuuno', rongogo' tingkalur ondo' mingkual intor ra kabang Nano.

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

MAZMUR 29:3

I Aki Kapuuno' ondo' matulai maningkalur ra rasawat ru raat; bolos ru Tuhan mamintanou ra titikop ru raat malandom.

MAZMUR 29:4

Bolos ru Tuhan maining ondo' natikop ra kuasa' am katulayan.

MAZMUR 89:10

Raguin Mu raat ra makakinulun, palinoson Mu kinulun ra masawat simpor.

MAZMUR 89:13

ralayo am rabugus inangun Mu; Gunung Tabor am Gunung Girmon magigindii mongompor Rirun.

MAZMUR 98:1

Mazmur. Rimbayi' noyo Tuhan no ra rimbai nakabagu; nambaal Io ra kandoi makaimuag! Ralalom ru kuasa' am kaikangan Nano galama', noowot No noyo kamanangan.

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JIRIMIA 50:24

Okou Babilonia, minanggal kou Raki' am siminulung kou ra jajaling ondo' pinakaang Kuno rirun, kabalu' pana kalo nalimanan mu.

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”