Indagu poyo i Abragam, “Ampuno' aku sabap kinabaani kuno mararayus indagu Rirun, Tuhan. Aku ti ulun toojo ayuk am kalo maaya' mindagu ra atan-atan pana.
Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.
Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”
Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.
Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.
Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',