AYUP 4:11 - Tanou Moonsoi Timugon

¹¹ Matoi ilo koson ra singa' ondo' natutusan ra akanon, saboi anak-anak nilo nantutuliar kalo naaruan.

AYUP 4:11 ပူးပေါင်းရင်းမြစ်များ

MAZMUR 34:10

Uramato' noyo Tuhan, akau ngaangai' ulun Nano, sabap ra ulun ondo' giminagaya' Riso kalo maayawan.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

MAZMUR 7:2

Iou Tuhan, i Aki Kapuuno' kuno, sumindung aku Rirun; bayago' am palabuso' aku no intor ra ngaangai' ulun ondo' mangasu raki' no.

AYUP 38:39

Makapagasu kou kia ra ondo' akanon ru singa', am mamasug ra anak ru singa',

AYUP 1:19

Pulali' ru rasam am angin ra mapuor kaga' intor ra tana' kaagisan, am nampagaba' ra baloi no namatoi ra ngaangai' anak muno. Aku ayuk sangulun nakapagiru' koson mambala' rirun.”

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

UNTABAN 23:24

Bansa' ru Israil koson ra singa' ondo' mapanggol, ondo' kalo mororo' saboi masaam ondo' akanon nano, am manginum ra raraa' ru inakan nano.”

KASAUKAN 49:9

I Jiuda abigin koson ra singa'. Makapansaam io, sumaguli' io ra luang nano; mambilor am magupu' io, am kolondo' osoi pana makakau' mangulinjo riso.

AYUP 5:4

Anak nilo kalo mabayag; kolondo' ulun manaung risilo giu' ra makama.

AYUP 5:15

Kaa' namayag i Aki Kapuuno' ra ulun musikin intor ra kapatayan, am ulun mapagon intor ra pangimbalaan.

AYUP 20:10

Anak-anak nilo mangalig ra atan ayuk ondo' tinakou nilo intor ra sangulun musikin.

AYUP 29:17

Kuasa' ru ulun malaat pandakon ku, am ulun ra jinamaran nilo binayag ku.

MAZMUR 34:11

Singa'-singa' pana maitilan sabap ra maayawan ra akanon, kaa' ulun ondo' giminagaya' ra Tuhan kalo maayawan ra atan ayuk pana moonsoi.