AYUP 39:27 - Tanou Moonsoi Timugon

²⁷ Maginaa kia susuit kanui ra susuban muno koson mambaal ra bunsut nano giu' ra gunung ondo' masawat?

AYUP 39:27 ပူးပေါင်းရင်းမြစ်များ

AYUP 39:26

Intor kia rirun susuit kanui minigigila' ra mansiab, paat sumuku' ra rabugus ra kawo nakambal?

AYUP 39:28

Giu' ra rasawat ru gunung batu ondo' masawat kaga' nambaal susuit kanui ra intok ayanan nano, am nampasauk ra ondo' manius koson ra kubu nano.

MAZMUR 103:5

jinala' No aku ra kaayagan mongoonsoi, saboi aku mamulok ayuk am maikang koson ra susuit kanui.

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

AMSAL 30:19

Kanui ondo' mansiab ra limbowon, kukuo ondo' mundus ra rasawat ru batu, kapal ondo' masundoi ra tatanga' ru raat, am ungkuyon am niayuk ruandu' ondo' mangkubayau.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

GOSIA 8:1

Indagu Tuhan, “Kosongowo' bolos ru tatandu' makalalaa'! Pantula' tatanga' mamulunsar ra pagun Kuno koson ra susuit kanui manumbit ra akanon nano. Ulun Kuno liminungkang ra nabantuan Kuno risilo, am minanggal ra ukum Kuno.

IMAMAT 11:13

Kalo maakan mino susuit-susuit ragitio: Susuit kanui, puok, ngaangai' salinut ru kanui, susuit nasar, bangkaak, susuit unta, susuit camar, susuit ranggung, susuit pucung, am ngaangai' salinut ru susuit kanawai, undan, kosa am bangkawot.

OBAJA 1:4

Kabalu' pana mambaal kau ra baloi giu' ra intok masawat koson ra bunsut ru susuit kanui, ilain koson soroi ra intok ru butitin-butitin, ratuin Takamin.