AYUP 38:6 - Tanou Moonsoi Timugon

⁶ Atan kia ondo' manungka' ra lugu'-lugu' ru tana' ti? Osoi kia ondo' mampabanta' ra batu pisuk ru tana' ti,

AYUP 38:6 ပူးပေါင်းရင်းမြစ်များ

AYUP 26:7

Biningkal ri Aki Kapuuno' limbowon ru ralayo, am nampatair ra tana' ti ra intok ra maluag.

MAZMUR 104:5

Inatang Mu pioto' tana' ti ra napasanaran nano, saboi kalo boo igogondo' mauyog.

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

MAZMUR 144:12

Gama' ru ngaangai' anak ungkuyon takau ra mangamulok masauk koson ra tutuu' ondo' malabung. Gama' ru ngaangai' anak ruandu' takau masauk koson ra lugu' mapasau ondo' makaantak ra linsuk-linsuk ru istana.

MAZMUR 24:2

Mambaal Io ra pagun ti ralimbou ru timug, am patampakon no alu nano ra raat ondo' malandom am malangka'.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

AMSAL 8:29

bulintok ra Io manusub ra timug ru raat maa' raginio kalo boo makasail ra polos ondo' inaru' Nano. Soroi aku noyo paat ra lonor ru tana' ti pinabanta' No.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

2 PITRUS 3:5

Ilo ti sumingon mangimpai ra minimpuun ra bala' ri Aki Kapuuno' noyo limbowon am tana' ti nasauk ra galing i. Sinauk No tana' ti intor ra timug am nagayantanga' poyo ra timug;

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.