AYUP 38:5 - Tanou Moonsoi Timugon

⁵ Osoi kia mangaru' ra kinalangka' ru tana' ti? Osoi kia mampabawar ra tali panuku' koson manuku' raginio? Nakapandai kou kia ra taaman no?

AYUP 38:5 ပူးပေါင်းရင်းမြစ်များ

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

AYUP 11:9

Katulayan ri Aki Kapuuno' malangka' poyo intor ra tana' ti, mapila' poyo intor ra raat maayo.

2 KORINTUS 10:16

Bagu makapapasaboi akai niayuk ra Tanou Moonsoi no ra pagun ra bokon poyo, maa' raginio kalo lumimbau akai ra atan ondo' kinandoi noyo ra pangandayan ru ulun bokon.

JISAYA 40:22

Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

JISAYA 34:11

Puok am bangkaak mayan ra intok raginio. Polosoon ru Tuhan giu' no kumuliasou-asou koson ra kalo poyo namangunan i.

AMSAL 8:27

Bulintok ra Io namingkal ra limbowon, nakatainono' aku, am bulintok ra limbowon pinaatang No ralimbou ru raat,

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

MAZMUR 19:4

Kolondo' ragu am sulabiton; bolos pana kalo maining;

AYUP 28:25

Paat ra Io mangani' ra angin ru kaikangan, am langka' ru raat inaru' Nano;

AMSAL 8:29

bulintok ra Io manusub ra timug ru raat maa' raginio kalo boo makasail ra polos ondo' inaru' Nano. Soroi aku noyo paat ra lonor ru tana' ti pinabanta' No.

AYUP 34:13

Nakaalap kia i Aki Kapuuno' ra kuasa' Nano intor ra osoi pana? Mokoondo' kia osoi pana ondo' nangani' ra kandoi Riso koson manguasa' ra tana' ti?

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.