AYUP 38:4 - Tanou Moonsoi Timugon

⁴ Soroi kono kia paat ra Aku nambaal ra tana' ti? Amon ru mapandai kou kaga', taam no.

AYUP 38:4 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 2:4

Koon raginio noyo baal ru napasaukan ra limbowon am tana' ti. Paat ra Tuhan i Aki Kapuuno' nambaal ra limbowon am tana' ti,

AYUP 15:7

Nangkara' kou kia ra okou ulun ondo' kasaa' inanak? Nakasaang kou kia paat ra gunung inangun?

AYUP 28:25

Paat ra Io mangani' ra angin ru kaikangan, am langka' ru raat inaru' Nano;

AYUP 34:13

Nakaalap kia i Aki Kapuuno' ra kuasa' Nano intor ra osoi pana? Mokoondo' kia osoi pana ondo' nangani' ra kandoi Riso koson manguasa' ra tana' ti?

MAZMUR 102:25

Iou Aki Kapuuno', pai' alapo' painawo kuno, ra aku kalo poyo matutuo. Okou maayag ra mantilayun;

MAZMUR 102:26

galing i tana' ti binangun Mu, limbowon pana kandoi ru kalindu' Muno galama'.

MAZMUR 104:5

Inatang Mu pioto' tana' ti ra napasanaran nano, saboi kalo boo igogondo' mauyog.

AMSAL 3:19

Tuhan namangun ra tana' ti ralalom ru kapintaran Nano; biningkal No limbowon ralalom ru katutunan Nano.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

AMSAL 8:22

Aku pinagulu sauko' ru Tuhan, aku noyo ampos ru kandoi Nano ondo' pinagulu bulintok ra galing i poyo.

JISAYA 40:14

Osoi kia kuatin No koson makaalap ra kapandayan am pangaratian? Osoi kia manaak Riso ra panuluan koson mamatas ra matimpok?

JIRIMIA 10:12

Tuhan namangun ra tana' ti ra kuasa' Nano; am ra kuasa' Nano namingkal ra tana' ti am namilar ra limbowon.

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

IBRANI 1:10

Minindagu poyo i Aki Kapuuno' ra Anak Nano: “Okou noyo Tuhan, ondo' namingkal ra tana' ti ra talimpuun i, am Okou galama' nambaal ra limbowon.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.