AYUP 38:26 - Tanou Moonsoi Timugon

²⁶ Osoi kia ondo' mamparatu' ra rasam giu' ra intok ondo' kalo ayanin ru ulun?

AYUP 38:26 ပူးပေါင်းရင်းမြစ်များ

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

MAZMUR 107:35

Kinulau No tana' kaagisan no nasauk ra tulugung, am tana' ra mapua' masauk ra taur ru timug.

AYUP 36:27

I Aki Kapuuno' ondo' namunduk ra timug intor ra tana' ti poongoyon ra limbowon, am nangulau raginio nasauk ra posok ru timug ru rasam.

AYUP 5:10

Rinasam No tana' am nanguas ra umo saboi maasa'.

AYUP 28:26

paat ri Aki Kapuuno' mangaru' ra intok ratuan ru rasam, am ralan ondo' sailan ru timpalak tingkalur;

AYUP 37:13

Namparatu' i Aki Kapuuno' ra rasam koson mamasa' ra tana' ti, kapoam koson mangukum ra ulun, kapoam koson manulu' ra taak Nano.

AYUP 38:25

Osoi kia ondo' mangkali ra parit tayar ru rasam maawas, am manampos ra ralan ra tayar ru tingkalur am ganit?

MAZMUR 65:12

Sabap ra kinoonsoi Muno ampos ru tatanom mauli' kaga'! Ati ayuk pana ongoyon Muno, masalok malabaan ra akanon.

MAZMUR 135:7

Intor ra pompor ru tana' ti porotongon No gaun masait, pasaukon No timpalak mabaya' ra rasam, am niayuk susubon No angin mingkual intor ra namulian Nano.

JIRIMIA 10:13

Maya' ra susuban Nano timug giu' ra limbowon mokobolos; Magibit Io ra gaun intor ra pompor ru tana' ti. Mangkinibit Io ra ganit mainbilak ralalom ru rasam, am mangator ra angin intor ra intok pambulian.