AYUP 37:5 - Tanou Moonsoi Timugon

⁵ Nabaya' ra susuban ri Aki Kapuuno', baal makaimuag nasauk, baal ra maayo ondo' kalo maratian takau.

AYUP 37:5 ပူးပေါင်းရင်းမြစ်များ

AYUP 11:7

Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

AYUP 26:14

Kaa' ginio tatandu' ayuk ru kuasa' Nano, mongkonos ayuk morongog takau. Kolondo' osoi pana makapandai ra mapara' piboo kinatulai ri Aki Kapuuno'.”

AYUP 36:26

Kalo makapandai takau ra katulayan ri Aki Kapuuno' ra sotopot no, kapoam manguntob ra suang ru bilor Nano.

AYUP 37:14

Okou Ayup, pongkoror no, am rongog no, urioo' toojo baal-baal maayo ondo' binaal ri Aki Kapuuno'.

AYUP 37:16

Nakapandai kou kia ati kulaan ru gaun minsir, ampos ru binaal ri Aki Kapuuno' ondo' makapandai kaga'?

AYUP 37:2

Akau ngaangai' no, rongogo' bolos ri Aki Kapuuno', rongogo' tingkalur ondo' mingkual intor ra kabang Nano.

AYUP 37:4

Kopongo raginio morongog bolos Nano ngongoos, am ra bolos mosongou maningkalur ra matutunggul; am liliwa' bolos Nano morongog ganit ra matutunggul ra kolondo' makaputat.

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

AYUP 9:10

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 18:14

Tuhan pana maningkalur intor ra limbowon; am Io Ondo' Masawat Kaga' mapaining ra bolos Nano.

MAZMUR 29:3

I Aki Kapuuno' ondo' matulai maningkalur ra rasawat ru raat; bolos ru Tuhan mamintanou ra titikop ru raat malandom.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!