AYUP 37:22 - Tanou Moonsoi Timugon

²² Sinda kinasilou ru mas makito intor ra ralayo, am katulayan ri Aki Kapuuno' makaansuk ra guang takau.

AYUP 37:22 ပူးပေါင်းရင်းမြစ်များ

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

AYUP 37:21

Raino sinda giu' ra limbowon mapaang kaga' saboi mobolou mato, am limbowon pana mapasau ru angin mansiob.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 40:10

Amon ru koon raginio, luat no ra matanda' am maligag kaga'; pasulungo' ra inan muno urumat am katulayan.

MAZMUR 104:1

Omporo' noyo Tuhan, alii ra salibuor kuno! Iou Tuhan, i Aki Kapuuno' kuno, mapara' piboo kinatulai Muno! Linibungan Kou ru katulayan,

MAZMUR 145:5

Tunungon ru ulun katulayan Muno am kuasa' Muno, am karaan ku binaal Muno ondo' makaimuag no.

MAZMUR 29:4

Bolos ru Tuhan maining ondo' natikop ra kuasa' am katulayan.

MAZMUR 66:5

Ibok no am ilai' noyo atan ondo' binaal ri Aki Kapuuno', binaal Nano makaimuag ra tatanga' ru ulun.

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

MAZMUR 76:12

Suguto' noyo atan ondo' binantu' muli' ra Tuhan, i Aki Kapuuno' muno; maaru' ngaangai' bansa' ondo' nakapaginggaar magibit ra taak, koson pataakon Riso ondo' kalaanin.

MAZMUR 89:8

Urumaton Kou bulintok ra ulun-ulun matulai mantitimung, am kalaanin toojo ru ngaangai' ondo' nakalibung Rirun.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

AMSAL 25:23

Mangalimut maparatong ra sangit koson ra angin ralayo magibit ra rasam.

JISAYA 2:10

Mansibuni ilo ra ralalom ru luang batu giu' ra kabatuan bulur, kapoam mangkali ra luang giu' ra tana' koson pansibunian maa' raginio makatuliar ilo ra sangit ru Tuhan, mansibuni intor ra kuasa' am niayuk katulayan Nano!

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

NAGUM 1:3

Tuhan kalo mataki' sumangit, kaa' Io makakuasa', am kalo igondo' Io nampalabus ra ulun ondo' nambaal ra kasalaan intor ra ukuman. Giu' ra intok ugaran ru Tuhan, sumalula' puting beliung am taupan; gaun iono kaau intor ra kalayam Nano.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.