AYUP 36:7 - Tanou Moonsoi Timugon

⁷ Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

AYUP 36:7 ပူးပေါင်းရင်းမြစ်များ

KASAUKAN 23:6

“Tuan, mangurumat akai rirun koson tingganai ondo' makakuasa' ramon. Ginio ra lobongo' andu' muno ra lobong ondo' moonsoi kaga' ra kalabangan maino. Akai ngai' maayo guang mai manaak rirun ra tana' kalabangan, maa' raginio molobong mu andu' muno.”

KASAUKAN 41:40

Saukon tokou ra gabenor ra pagun kuti am ngaangai' namagun gumagaya' ra susuban muno. Aku ayuk ondo' makakuasa' poyo intor rirun.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

ESTER 10:3

I Mordikai, ulun ru Jaudi narayus nampaguut ra kandoi masawat kaga' ragana' ru Raja' Agaswiros galama'. I Mordikai urumaton am kasagain ru ulun rondo' bansa' riso. Piniratan no toojo koson kaatangan am kaansayan ru bansa' nano am niayuk ngaangai' papag nilo.

AYUP 1:3

am niayuk mokoondo' ra suang 7,000 ngainan domba, 3,000 ngainan unta am 1,000 ngainan sapi' am 500 ngainan kaladai. Io niayuk mokoondo' masuang ulipon, am io noyo ulun ondo' langkaya' kaga' ra gino ngai' mamagun giu' ra libung ru Sirangon.

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

AYUP 31:4

Nakapandai i Aki Kapuuno' ra ngaangai' binaal kuno; Makakito Io ra moonong tumpang kuno.

AYUP 4:7

Karaa' noyo, igondo' kia ulun ondo' kolondo' sala nalumpa' ru karaat am pagon?

AYUP 42:12

Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai.

AYUP 5:11

Topot i Aki Kapuuno' ondo' napainsawat ra ulun musikin, am napakaansuk ra ulun mapagon.

MAZMUR 33:16

Namanang raja' sala' ka intor ra saujor nano masuang, namanang saujor sala' ka intor ru ikang.

MAZMUR 33:18

Ilo ondo' gumagaya' ilain ru Tuhan, malansan ilo ra katagaman Nano.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

MAZMUR 34:16

Indukuin ru Tuhan ulun ra motopot, am mangkirongog ra pantangian nilo;

MAZMUR 41:12

Aku pana makapandai ra Okou mangiou raki', sabap ra pantula' kuno kalo makapangala raki'.

JISAYA 22:23

Kapioton ku intok nano koson ra sasangutan pinopopok mapiot ra timbok. Ngaangai' pabukat nano urumaton sabap io.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.