AYUP 36:3 - Tanou Moonsoi Timugon

³ Napandayan kuno malandom; pakayon ku ginio koson manulu' ra Namangun raki' matimpok.

AYUP 36:3 ပူးပေါင်းရင်းမြစ်များ

AYUP 32:2

Kaa' giu' no mokoondo' sangulun ondo' kalo nokoorot ra lasu' ru guang nano, sabap ra sinonsol ri Ayup i Aki Kapuuno' am migiangku ra kolondo' sala nano. Inggalan nano i Iligu anak ri Barakil, sangulun papag ri Bus, intor ra bansa' ru Ram.

AYUP 32:8

Kaa' sotopot no Ambiluo ri Aki Kapuuno' Ondo' Maayo Kaga' kuasa' ondo' mangani' ra kapintaran ra ulun.

AYUP 34:5

Indagu i Ayup, ‘Kolondo' sala kuno, kaa' kalo nangani' i Aki Kapuuno' raki' ra katimpakan.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 4:17

‘Maaru' lair ulun kalo majamaran ra saang ri Aki Kapuuno'? Maaru' lair ulun matulai ra saang ru Namangun risilo?

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 11:7

Tuhan noyo matimpok am monogom ra ulun ondo' moonsoi binaal; ulun moonsoi guang makakito am makaulig Riso.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

MATIUS 12:42

Paat ra Orou Pupus no, ratu Syiba migor am manguu' ramuyun, sabap ra minugar io saboi ra sampiruo ru tana' ti mongoi pangkirongog ra pangilaan matanda' toojo intor ri Raja' Salomo. Balain takamin: Giti raino mokoondo' maatang toojo intor ri Raja' Salomo!”

ROMA 9:14

Intor raginio, atan boo paraguon takau? Mabanis kia guang ri Aki Kapuuno'? Maaru' Io mabanis guang!

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!