AYUP 36:26 - Tanou Moonsoi Timugon

²⁶ Kalo makapandai takau ra katulayan ri Aki Kapuuno' ra sotopot no, kapoam manguntob ra suang ru bilor Nano.

AYUP 36:26 ပူးပေါင်းရင်းမြစ်များ

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

AYUP 10:5

Kaayagan Muno koson ra kinariwa' ru kaayagan ru ulun?

AYUP 26:14

Kaa' ginio tatandu' ayuk ru kuasa' Nano, mongkonos ayuk morongog takau. Kolondo' osoi pana makapandai ra mapara' piboo kinatulai ri Aki Kapuuno'.”

AYUP 36:25

Ngaangai' ulun nakakito ra binaal Nano; kaa' makito takau intor ra maalur ayuk.

AYUP 36:27

I Aki Kapuuno' ondo' namunduk ra timug intor ra tana' ti poongoyon ra limbowon, am nangulau raginio nasauk ra posok ru timug ru rasam.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 37:5

Nabaya' ra susuban ri Aki Kapuuno', baal makaimuag nasauk, baal ra maayo ondo' kalo maratian takau.

MAZMUR 145:3

Tuhan no matulai am maaya' omporon toojo, katulayan Nano kalo maratian takau.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

IBRANI 1:12

Limbowon am tana' ti purunon Mu saguli' am aligin Mu poyo ra baguon. Kaa' Okou Tuhan kalo makulau am soroi Kou ayuk ra mantilayun.”

2 PITRUS 3:8

Kaa' pabukat kau ngai' ondo' tagamin ku, pai' min liliani' gitio, songorou ra pangkaraan ru Tuhan mogondo' ayuk ra buoi saribu ngambilor am saribu ngambilor mogondo' ayuk ra buoi songorou; karuruo no mogondo' ayuk Riso.