AYUP 35:14 - Tanou Moonsoi Timugon

¹⁴ Ayup, kamu kalo makito mu Io; kaa' inaani' ra guang mokoorot – baal muno soroi giu' ra saang Nano.

AYUP 35:14 ပူးပေါင်းရင်းမြစ်များ

AYUP 9:11

Nansail i Aki Kapuuno' ra saang kuno, kaa' kalo nakito ku Io. Nansail Io ra sapapa' kuno, kaa' kalo natutunan ku.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 62:5

Masaga' kau ayuk mamparatu' riso intor ra intok maatang nano; masaga' kau magabau. Kabang mino mambarakat, kaa' guang mino magulas.

AYUP 23:3

Mapara' kinoonsoi no amon ru makapandai aku ati sinarayan ri Aki Kapuuno', am mokoongoi ra intok Nano.

AYUP 19:7

Golok aku, ‘Mapuka'!’ kaa' kolondo' noyo mangkirongog; gumolok aku makiindangan, kaa' kolondo' katimpakan.

AYUP 9:19

Musiti' aku kia makimagabu' Riso? Ilai' noyo, mapara' piboo gayo ru ikang Nano. Maibit ku kia Io mongoi ra makama? Osoi kia baani mampiau Riso mongoi?

AYUP 31:35

Kolondo' kia osoi pana ondo' masaga' mangkirongog ra ragu-ragu kuno? Magibot aku ra moonong ragu kuno motopot. Polosoon i Aki Kapuuno' Ondo' Maayo Kaga' Kuasa' tumaam raki'. Amon ngaangai' panguwan ru pantula' kuno tulisin maa' raginio makakito aku raginio,

AYUP 35:15

Pangkaraan muno ra kalo mangukum i Aki Kapuuno', am kalo mampalio Io ra kaanggalan.

MAZMUR 37:7

Pai' kalingas maginaa ra Tuhan, inaani' noyo am oroto' guang suku' ra Io mingkuor. Pai' kalasu' guang sabap ra ulun langkaya', kapoam sabap ra ilo ondo' masaga' mamparuung.

JISAYA 8:17

Nansibuni Tuhan no intor ra ulun Nano, kaa' mangintopot aku am malansan Riso.

SULABOI 3:58

Matong Kou manaung ra baal kuno, iou Tuhan, am mamayag Kou ra painawo kuno.