AYUP 34:33 - Tanou Moonsoi Timugon

³³ Ginio sabap ra kalo nangiou kou ra binaal ri Aki Kapuuno', Sabap ra kalo nangiou kou ra binaal ri Aki Kapuuno', Kalo makalansan kou Riso mangiou ra kasagaan muno. Okou no ondo' mamatas, sala' ka aku; balai' akai ra pampaguangan muno.

AYUP 34:33 ပူးပေါင်းရင်းမြစ်များ

MAZMUR 135:6

Baalon No atan ondo' kasaga' Nano, giu' ra limbowon kapoam tana' ti; giu' ra raat kapoam tatanga' ru raat ondo' malandom.

AYUP 33:32

Kaa' amon ru mokoondo' ondo' masaga' muno raguon, indagu ayuk. Masaga' aku mangkirongog am mangiou ra okou motopot.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

IBRANI 2:2

Motopot bala' ondo' pinasaboi ru malaikat-malaikat ra kinamatuaan takali am osoi ayuk kalo giminagaya' kapoam siminugut no, binalasan maya' ra binaal nilai no.

ROMA 11:35

Mokoondo' kia nakapanaak ra atan-atan ra Tuhan, saboi makibalos Riso?”

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

AMSAL 11:31

Amon ru ulun moonsoi pana balasin ra tana' ti, maaru' noyo ra ulun malaat am ulun ra makatula ukumin.

AYUP 41:11

Osoi kia makabulunsar riso ra kalo mapilatan? Kolondo' osoi pana ra tana' ti makakau' mambaal raginio.

AYUP 34:11

Balasin No ulun mogondo' ra binaal nilo am pamakuan no risilo matanda'.

AYUP 33:5

Amon ru maalap, taamo' aku. Tampos no ra mindagu.

AYUP 18:4

Sangit mamparuol ayuk ra inan muno. Matatakan kia tana' ti ra mamagun nano sabap ra okou sumangit? Pabandingon kia gunung-gunung intor ra intok nano koson mampatasu' ra guang muno?

AYUP 15:31

Amon ru mangintopot ilo ra ondo' kolondo' onong, ondo' apuon nilo kolondo' onong niayuk.

AYUP 9:12

Inalap No atan ondo' kasagaan Nano, am kolondo' osoi pana makapanginga' Riso; kolondo' osoi pana baani mangkuot Riso, “Atan baalon Muno?”

AYUP 34:34

Moonong ulun ondo' makautok maaru' mangiou; moonong ulun mapintar ondo' rumongog raki' no mindagu

JIRIMIA 25:28

Amon ru marara' ilo mangalap ra sangkir no intor ra kalindu' muno am kalo inumon no, balai' ilo ra Tuhan Ondo' Maayo Kaga' Kuasa' nakaindagu noyo ra musiti' ilo manginum intor ra sangkir no.

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.