AYUP 34:32 - Tanou Moonsoi Timugon

³² Nakitaak kono kia ri Aki Kapuuno' manulu' ra kasalaan ondo' kalo napandayan muno? Nangiou kono kia mopolonggo' ra kalaatan raginio?

AYUP 34:32 ပူးပေါင်းရင်းမြစ်များ

KASAUKAN 38:26

Nauligan ri Jiuda kuliamos raginio am indagu, “Ruandu' no kolondo' sala. Kalo sinugut ku rinagu kuli riso. Sotopot no paganduon ku io am i Syila.” Kalo boo rinulug ri Jiuda ruandu' no.

AYUP 10:2

Iou Aki Kapuuno', pai' sonsol raki'. Pambala' no raki' ra panguwan Muno raki'.

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

AYUP 34:31

Ayup, nangiou kono kia ra kasalaan muno ri Aki Kapuuno'? Nabantu' kono kia kalo mambaal saguli' ra tula?

AYUP 35:11

am nampasauk risilo ra mapintar poyo intor ra bibiag ra lantur kapoam susuit ra mansiab.

MAZMUR 19:12

Mangngandoi Muno pinakara' ru ngaangai' raginio; balos moonsoi atangon ra ulun ondo' gumagaya' riso.

MAZMUR 19:13

Kolondo' sangulun pana makakito ra sala nano galama'; iou Tuhan, palabuso' aku no intor ra kasalaan ondo' nasibuni.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

UNTABAN 22:34

Taam i Biliam, “Makatula aku noyo. Kalo nakapandai aku ra minigor kou ra saang koson mongompong raki'. Amon ru guang muno, kalo musiti' no mugar aku, gino poyo muli' aku.”

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.