AYUP 34:10 - Tanou Moonsoi Timugon

¹⁰ Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 34:10 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 SAMUIL 22:31

Mapara' kinaindon ru binaal ri Aki Kapuuno' ti, ragu ru Tuhan maintopot. Io koson ra perisai ra tayar ru ngaangai' ulun ondo' sumindung Riso.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

AYUP 34:12

I Aki Kapuuno' Ondo' Maayo Kaga' Kuasa' kalo nambaal ra kalaatan; ngaangai' ulun aniin No ra katimpakan.

AYUP 34:34

Moonong ulun ondo' makautok maaru' mangiou; moonong ulun mapintar ondo' rumongog raki' no mindagu

AYUP 36:23

Kolondo' osoi pana makapambala' ri Aki Kapuuno' ra atan ondo' musiti' baalon, kapoam manguu' Riso mambaal ra kalaatan.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 92:15

maaruan ra io no manangkawa' bulintok matutuo, am mantilayun ayuk raun no masansam am maikang.

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 6:32

Kaa' sangulun ungkuyon lumapau io no sasambungon. Ungkuyon raginio mangimbolo' ra inan nano galama'.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

ROMA 9:14

Intor raginio, atan boo paraguon takau? Mabanis kia guang ri Aki Kapuuno'? Maaru' Io mabanis guang!

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

JAKUBUS 1:13

Amon ru sasangulun marunduk ru pangkinaman, pai' indagu ra, “Pamarundukan ti intor noyo ri Aki Kapuuno'.” Sabap ri Aki Kapuuno' kalo noyo maalap karunduk ru kalaatan, am kalo niayuk igondo' Io mamarunduk ra osoi ayuk pana.