AYUP 33:6 - Tanou Moonsoi Timugon

⁶ Ra tayar ri Aki Kapuuno', akau am aku kalo nansusuai; intor ra tana' lia' itakau binaal No.

AYUP 33:6 ပူးပေါင်းရင်းမြစ်များ

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

KASAUKAN 30:2

Sangit boo i Jakub ri Ragil, kono, “Aku ti pai' ru i Aki Kapuuno'. Io noyo nambaal rirun ra kalo maganak.”

AYUP 10:9

Karaa' noyo, Okou namangun raki' intor ra tana' lia'; masaga' Kou kia mangumok raki' saboi masauk saguli' ra kaau?

AYUP 13:12

Bilin mino koson ra kaau ondo' kolondo' onong; panaungan mino koson ra tana' lia' ondo' maluoi mapilang.

AYUP 13:3

Kaa' masaga' aku mindagu Riso Ondo' Maayo Kaga' Kuasa', masaga' aku manaung ra baal kuno ra saang ri Aki Kapuuno'.

AYUP 20:22

Paat ra pangayaan ru kasugutan nilo, kangilukan am kaimbalaan matong lumumpa' risilo.

AYUP 31:35

Kolondo' kia osoi pana ondo' masaga' mangkirongog ra ragu-ragu kuno? Magibot aku ra moonong ragu kuno motopot. Polosoon i Aki Kapuuno' Ondo' Maayo Kaga' Kuasa' tumaam raki'. Amon ngaangai' panguwan ru pantula' kuno tulisin maa' raginio makakito aku raginio,

AYUP 4:19

Nangkara' kou kia ra mangintopot Io ondo' maminawo intor ra tana', ondo' maminawo intor ra kaau ondo' maumok koson ra sakuliambang?

KAINGKUALAN 4:16

Mindagu io ra ulun raginilo ra tayar ru bala muno. Masauk io ra mindadagu muno, am masauk kou koson ri Aki Kapuuno' ondo' mambala' atan ondo' musiti' raguon nano.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.