AYUP 33:24 - Tanou Moonsoi Timugon

²⁴ Malaikat no ra makaasi' mindagu ra, ‘Palabuso' io maa' raginio kalo mongoi io ra tana' ru ulun minatoi. Gitio noyo pamumuli' koson mampalabus riso.’

AYUP 33:24 ပူးပေါင်းရင်းမြစ်များ

AYUP 22:21

Raino, Ayup, pobonsoi no ri Aki Kapuuno', am langgai' noyo mangkara' Riso koson ra pantula'. Amon ru mambaal kou koon raginio, barakaton No okou.

AYUP 33:18

Kalo mompoloso Io risilo pusoon; mamayag Io risilo intor ra kapatayan.

AYUP 33:25

Inan nano masauk ra maikang kaga', maikang koson ra ulun mamulok.

AYUP 33:28

Kalo mompoloso Io raki' mongoi ra tana' ru ulun minatoi, am lakat aku poyo maayag saboi raino.’

AYUP 36:18

Ilalai', pai' polosoo' rasua mamparuung rirun, am pai' polosoo' kalangkayaan mampalayau rirun.

MAZMUR 107:20

Babason No ilo ra ragu Nano, am kalo polosoon No ilo matoi.

MAZMUR 22:4

Kaa' Okou Raja' Ondo' Matulai kaga', ondo' omporon ri Israil.

MAZMUR 40:2

Ralalom orot ru guang, maginaa aku ra Tuhan mangindangan, am magilong Io raki' am mangkirongog ra piau kuno.

MAZMUR 71:3

Sauk no ra sindungan kuno ra mapiot, am kubu ra maikang koson manindung raki'; Okou noyo manindung am manungka' raki'.

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

JAKARIA 9:11

Indagu Tuhan, “Sabap ra nabantuan Kuno am akau, nabantuan ondo' sinaapan ra raraa' ru taak simbalui, palabuson Ku bansa' min ondo' naimbolo' ralalom pamatiran koson ra ulun ondo' naaput ralalom ru tulubong mapua'.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

1 TIMOTIUS 2:6

Io nampataak ra painawo Nano koson mampalabus ra ngaangai' ulun ondo' makatula ra paat inaru' ri Aki Kapuuno'. Gitio noyo tatandu' ra i Aki Kapuuno' masaga' ra ngaangai' ulun bayagon.