AYUP 33:23 - Tanou Moonsoi Timugon

²³ Maaru' lair rondo' intor ra saribu malaikat ri Aki Kapuuno', malaikat ondo' mampakara' ra sasangulun ra kandoi nano, matong mangindangan riso.

AYUP 33:23 ပူးပေါင်းရင်းမြစ်များ

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

MAMPATANOU 7:28

Naguyum aku niayuk ra taam ra bokon, kaa' kolondo'. Ralalom saribu ngaulun, nakatuum aku ra sangulun ungkuyon ondo' urumaton kuno, kaa' ra ilo ngai' kolondo' ruandu' ondo' urumaton kuno.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

AGAI 1:13

Kopongo raginio nampasaboi i Agai ra ragu ru Tuhan risilo ra binantu' noyo ru Tuhan mabaya' risilo.

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 94:12

Iou Tuhan, pakaansuk noyo ulun ra inila' Muno, ulun ondo' inila' Muno ra ukum Muno.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 36:3

Napandayan kuno malandom; pakayon ku ginio koson manulu' ra Namangun raki' matimpok.

AYUP 35:14

Ayup, kamu kalo makito mu Io; kaa' inaani' ra guang mokoorot – baal muno soroi giu' ra saang Nano.

AYUP 34:32

Nakitaak kono kia ri Aki Kapuuno' manulu' ra kasalaan ondo' kalo napandayan muno? Nangiou kono kia mopolonggo' ra kalaatan raginio?

AYUP 34:12

I Aki Kapuuno' Ondo' Maayo Kaga' Kuasa' kalo nambaal ra kalaatan; ngaangai' ulun aniin No ra katimpakan.

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 11:6

Mambala' Io rirun ra kapintaran no masuang linsuk no; mokoondo' baal ondo' malandom kaga' ra ulun. Inukum kou ri Aki Kapuuno' ra mamaan poyo intor ra sotopot no.

AYUP 9:3

Ati kulaan kia ra ulun makapagansang Riso? Saribu pangkuatan makuatan takau ri Aki Kapuuno', kaa' rondo' pana kalo mataam ru osoi pana.

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.

ROMA 11:13

Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'.

RINALATAN 8:30

Pasimbul i Pilipus am inggaari' no sinakayan i am korongog no ulun no nambasa' ra kitab Nabi Jisaya. Pangkuot i Pilipus riso, “Mangarati' kou kia ra binasa' muno?”

KASAUKAN 40:8

Taam ilo, “Akai ruo ti naginupi, kaa' kolondo' sangulun pana ragiti makapambala' toojo ra arati' ru inupi maili.” Indagu i Jusup, “I Aki Kapuuno' ayuk makapapaarati' ra inupi. Tunungi' min aku ra inupi mini.”

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

AYUP 9:33

Kaa' kolondo' osoi pana maalap kasauk ra ulun magayantanga' ondo' makapanalasai ramon ruo.