21 Inan nilo tumukal; makito ngai' bungul nilo.
Ginio ra, nasauk aku ra matapu koson ra tataun naapu', koson ra bayang ondo' inakan ru lipos.
Nangala Kou am nanginggi' ra ulun ra sabubuoi no; paat ra ilo manguma' ra kapatayan, nangulau Kou ra bulos nilo.
Makaliman ilo ayuk ra maruol inan galama', am naimbolo' ra kapilatan ru guang.
Io noyo pantula' kuno am namparakop raki'. Raino patakalag boo inan kutu, am ra tayar ru masuang ulun ginio noyo inono' no ra aku makatula noyo.
Inan kuno kungkung ayuk soroi manili ra bungul; painawo kuno maar mugar.
Ngaangai' inan kutu mokoondo' ra lingguang am kogom; kungkung kuno napilat am nampunana'.
Pai' aku noyo boo ukumi', mamaar aku no matoi ra lamba' Muno.
Pompor ru kaayagan mino, mampalaa kau sabap ra inan mino napaja' ra maruol.
