AYUP 31:4 - Tanou Moonsoi Timugon

⁴ Nakapandai i Aki Kapuuno' ra ngaangai' binaal kuno; Makakito Io ra moonong tumpang kuno.

AYUP 31:4 ပူးပေါင်းရင်းမြစ်များ

KASAUKAN 16:13

Magikuot i Agar ra guang nano, “Motopot kia nakakito aku ri Aki Kapuuno' am kalo minatoi?” Ginio ra sabito' no Tuhan ondo' minindagu riso no ri “I Aki Kapuuno' Ondo' Magilong”.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

AYUP 11:11

Nakapandai i Aki Kapuuno' ra ulun ra ati kolondo' onong; nakito No ngaangai' binaal malaat nilo.

AYUP 14:16

Kopongo raginio ilayin Mu moonong tumpang kuno, kaa' kalo tulisin Mu tula kuno.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

AYUP 24:23

Maaru' i Aki Kapuuno' mompoloso risilo maayag ra moonsoi, kaa' tainuin No ilo ra kalo lalanggain.

AYUP 28:24

sabap ra makakito Io saboi ra pompor ru tana' ti, makakito ra ngaangai' ondo' soroi giu' ra ragana' ru limbowon.

AYUP 31:37

Balain ku i Aki Kapuuno' ra ngaangai' ondo' baalon kuno, am muma' Riso ra mangintopot am ulu ra tumungar.

AYUP 34:21

Mangimansa' Io ra paliso ru ulun, am urioon toojo ngaangai' tumpang nilo.

AYUP 36:7

Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

AMSAL 15:3

Makito ru Tuhan atan kasaukan ru titikop intok; magilong Io ritakau, nambaal kia ra moonsoi kapoam malaat.

AMSAL 5:21

Makito ru Tuhan ngaangai' binaal mino. Ati ayuk ongoyon mino, magilong Io ramuyun.

JIRIMIA 16:17

Nakakito Aku ra ngaangai' ondo' binaal nilo. Kolondo' sangulun pana ondo' nakasibuni intor Raki'; nakakito Aku ra tula-tula nilo.

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

JUANIS 1:48

Pangkuot i Natanil Riso, “Ati kulaan Okou nakaulig raki'?” Taam i Jisus, “Kalo poyo piniau kou ri Pilipus, nakakito Aku no rirun siminindung ra puun ru ara no.”

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.