AYUP 31:28 - Tanou Moonsoi Timugon

²⁸ Tula no musiti' ukumin ra matoi, sabap i Aki Kapuuno' Ondo' Maayo Kaga' Kuasa' inanggal.

AYUP 31:28 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 SAMUIL 3:32

Linobong i Abnir giu' ra Gibron, am raja' am niayuk ngaangai' mamagun nanulaboi ra mosongou giu' ra saang ru kalabangan no.

AYUP 23:7

Aku ti mabanis guang am makaindagu ri Aki Kapuuno', am pabalaan ra kolondo' sala kuno koson ra sabubuoi no.

AYUP 31:11

Tula koson raginio malaat kaga', am ulun ondo' nambaal raginio musiti' ukumin ra matoi.

AYUP 31:27

Kalo igondo' aku kalaai ra ngaangai' no, am kalo igondo' mangalok ra kalindu' kuno koson mangurumat ra ngaangai' no.

AYUP 9:15

Kabalu' pana kolondo' sala kuno, atan ikang kuno ondo' ak am makimasi' intor ri Aki Kapuuno', akim kuno?

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JISAYA 59:13

Lumungkang akai am gumuor ra Tuhan, am kalo masaga' maya' ri Aki Kapuuno' mai. Nangimbolo' akai ra ulun bokon am liminayau; pangkaraan mai nakalayau, am ragu-ragu mai abau ayuk.

SAGULION 17:9

Giu' no, pabalaa' baal raginio ra imam ru bansa' ru Liwi, am ra akim ondo' mangandoi paat raginio. Polosoo' noyo ilo mangakim ra baal raginio.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

IBRANI 12:23

Nakasaang kau noyo ra bunsag maayo mabaya' ra anak-anak katuaan ri Aki Kapuuno', ondo' inggalan nilono tinulisan noyo giu' ra suruga'. Mininggaar kau ri Aki Kapuuno' ondo' mangakim ra ngaangai' ulun, am poyo ra ambiluo-ambiluo ru ulun motopot ondo' tinanda' ri Aki Kapuuno'.

JOSUA 24:23

Indagu poyo i Josua, “Amon ru ginio noyo, patiri' noyo tuhan-tuhan ru bansa' ra bokon ondo' soroi ramuyun am bantuo' noyo ra gumagaya' ra Tuhan i Aki Kapuuno' ru Israil.”

JOSUA 24:27

Indagu i Josua ra ngaangai' ulun no, “Batu ti sasi' takau. Batu ti nokorongog noyo ra ngaangai' ragu ru Tuhan ritakau. Ginio ra nasauk batu ti ra sasi' min koson mampakara' ramuyun maa' raginio kalo manggal ri Aki Kapuuno' min.”

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

1 JUANIS 2:23

Ulun ondo' kalo mangapu ra Anak, arati' no kalo niayuk mangapu io ra Ama'. Am ulun ondo' mangapu ra Anak, arati' no mangapu io niayuk ra Ama'.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

TINGGANAI RU BANSA' 11:27

Kolondo' sala kuno rirun. Okou noyo ondo' makasala sabap mamulunsar ramon. Tuhan galama' noyo ondo' masauk ra akim. Mangakim Io ra baal ragitio ra ulun ru Israil am ulun ru Amon.”