AYUP 31:23 - Tanou Moonsoi Timugon

²³ Sabap no ra malaa' aku ra ukuman ri Aki Kapuuno', totopot kalo baani aku mambaal raginio.

AYUP 31:23 ပူးပေါင်းရင်းမြစ်များ

KASAUKAN 39:9

Kuasa' kuno ra baloi ti mogondo' ra kuasa' nano, am kolondo' rondo' pana kalo pinasalingapuan raki' ondo' ayuk am okou ti. Ati koson kuno mambaal ra kalaatan raginio am makatula ri Aki Kapuuno'?”

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 13:11

am kuasa' Nano mampakalalaa' ramuyun.

AYUP 20:23

Paat ra ilo mangakan ra ngaangai' ondo' kasagaan nilo, sumangit i Aki Kapuuno' am mangukum risilo.

AYUP 21:20

Polosoon noyo ulun ondo' makasala mansaan ra ukuman nilo; polosoon noyo ilo makaliman ra sangit ru Io Ondo' Maayo Kaga' Kuasa'.

AYUP 30:15

Malaa' nampalibung raki'; natatak kaurumatan kuli koson ra siob ru angin am kalansanan kuno koson mamanang, lumiot koson ra gaun.

AYUP 31:3

Mamparatong Io ra karaat am kapusaan risilo ondo' nambaal ra kasalaan.

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

MAZMUR 88:15

Iou Tuhan, kua impayi' Mu aku? Kua pasibunio' Mu inan Muno intor raki'?

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.