AYUP 31:15 - Tanou Moonsoi Timugon

¹⁵ I Aki Kapuuno' namangun raki', am niayuk namangun ra ulipon-ulipon kuno.

AYUP 31:15 ပူးပေါင်းရင်းမြစ်များ

NIGIMIA 5:5

Itakau ngaangai' bansa' ru Jaudi. Sala' ka kia anak-anak takano pana nogondo' bonsoi no ra anak-anak ru Jaudi ra bokon? Kaa' pinoloso mai kalalaat anak-anak mai nasauk ra ulipon. Mokoondo' poyo kukula' ngaulun anak ralaa mai ondo' tinalan noyo nasauk ra ulipon. Kolondo' nabaal mai ra atan pana sabap ra umo am umo ru anggur mai nasauk noyo ra longgom ru ulun ra bokon.”

AYUP 10:3

Matimpok kia ra Okou mangimbolo' ti, magasab ra inangun Mutu galama', am mangiou ra inatangan ru ulun malaat?

AYUP 31:14

Amon ru kalo, ati kulaan aku muma' ri Aki Kapuuno'? Atan kia ondo' maragu kuno paat ra aku akimin ri Aki Kapuuno'?

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

AYUP 4:17

‘Maaru' lair ulun kalo majamaran ra saang ri Aki Kapuuno'? Maaru' lair ulun matulai ra saang ru Namangun risilo?

MAZMUR 119:73

Okou noyo namangun am napasauk raki'; paratio' aku no mampaguang ra ukum Muno.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AMSAL 22:2

Ulun langkaya' am ulun musikin mokoondo' rondo' pogondo': Karuruo no binangun ru Tuhan.

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?