AYUP 30:23 - Tanou Moonsoi Timugon

²³ Nakapandai aku ra nagibit Kou raki' ra intok ru kapatayan, ra pamupusan ondo' musiti' umaan ru moonong ulun.

AYUP 30:23 ပူးပေါင်းရင်းမြစ်များ

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

AYUP 10:8

Kalindu' Muno namangun am nampatalur raki', am raino kalindu' raginio niayuk ondo' mamuso raki'.

AYUP 14:5

Inaru' Mu noyo umur ru ulun; inaru' Mu noyo suang ru sila' nano. Inaru' Mu noyo polos ru bayag nilo; kalo lair matundangan nilo ginio.

AYUP 21:33

riribu ulun mugar mangator ra baangkai nilo, am molomoi tana' no mamumpun ra baangkai nilo.

AYUP 3:19

Ulun nauligan kaga' inggalan kapoam kalo, ngaangai' no ra giu' no, am ulipon makaalap ra kalabusan ra pupus no.

MAMPATANOU 8:8

Kolondo' sangulun pana makainggalur kapoam mapainjul ra orou patayan nano. Patayan ti rondo' pangayawan ondo' kalo mailiwan kabalu' pana ra mamparuung.

MAMPATANOU 9:5

Ulun ondo' lakat poyo maayag makapandai ra matoi ilo, kaa' ulun ondo' minatoi noyo kalo makapandai ra atan-atan pana. Kalo boo makaalap ilo ra gaji', am lilianin ilo ru ulun.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

JOSUA 23:14

Raino nasaboi noyo paat ra aku matoi. Akau sigagama' nakapandai toojo ra Tuhan i Aki Kapuuno' min nanaak noyo ramuyun ra ngaangai' ondo' moonsoi, ondo' binantu' Nano. Moonong bantu' Nano sinugut noyo; kolondo' rondo' pana kalo nasugut Nano.