AYUP 3:17 - Tanou Moonsoi Timugon

¹⁷ Giu' ra ralalom ru lobong, ulun malaat lumonggo' mambaal ra malaat, am ulun mangngandoi ondo' naagui mapaabus ra bagui.

AYUP 3:17 ပူးပေါင်းရင်းမြစ်များ

AYUP 14:13

Moogot aku maa' raginio pasibunion Mu aku giu' ra intok ru ulun minatoi. Polosoon aku pasibunion saboi ra Okou kalo boo sumangit. Mopongo raginio aruo' orou koson mangkara' raki' saguli'.

AYUP 17:16

Kolondo' boo kalansanan kuno paat ra aku mongoi ra intok ru ulun minatoi.

AYUP 3:16

Kua kia kalo narayus aku minatoi ra inanak, nongorom ra mato koson ra lalagang ondo' minatoi?

AYUP 3:18

Ulun inaput pana makasia' ra katangusan, makalabus intor ra susuban makuliga' am galakin.

MAMPATANOU 4:2

Mapara' piboo bansuk ru ulun ondo' minatoi; baal nilo moonsoi poyo intor ra ulun ondo' lakat poyo maayag.

MAMPATANOU 9:6

Katagaman, kasisangan, am kasagaan ru guang nilo galama', ngaangai' no linimiot mabaya' risilo. Ilo kalo boo mangalap ra tayar ralalom atan-atan baal ondo' masauk ra tana' ti.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

LUKAS 12:4

“Pabukat kau ngaangai', karaa' min, pai' kau kalaa' risilo ondo' mamatoi ra inan, kaa' malupus raginio kolondo' kuasa' mambaal ra atan ondo' malaat poyo.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

IBRANI 4:9

Kaa' mokoondo' poyo tangusan ra ulun-ulun ri Aki Kapuuno', mogondo' ra Io timinangus ra orou katulu' i.

2 PITRUS 2:8

I Lot ti ulun moonsoi toojo. Kaa' siminimpung io risilo, am moonong orou makito am morongog no ra baal malaat nilai, saboi sinindualan guang nali.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

1 SAMUIL 28:19

Okou am ulun ru Israil pataakon No ra ulun ru Palistin. Susuab no okou am anak-anak ungkuyon muno maya' raki'; am niayuk saujor ru Israil pana pataakon ru Tuhan ra ulun ru Palistin.”