AYUP 29:3 - Tanou Moonsoi Timugon

³ Masalok Io mangani' raki' ra indangan, am mansilau Io raki' paat mansail ra kalandaman.

AYUP 29:3 ပူးပေါင်းရင်းမြစ်များ

AYUP 11:17

Kaayagan muno masauk ra matawang poyo intor ra sinda mato ru orou paat matawang, am paat ra molondom ralalom kaayagan muno mapaang koson ra paat susuab ti.

AYUP 18:6

Ilo koson ra kim ondo' lampung nano nalasa' noyo; lampung pansilau nilo kalo boo suminda.

AYUP 21:17

Igondo' kia kaayagan ru ulun malaat linasaan koson ra lampung? Igondo' kia nalumpa' ilo ru karaat? Igondo' kia i Aki Kapuuno' sangit risilo saboi mangukum Io risilo?

AYUP 22:28

Pirot muno masalok masugut, am sinda mampatawang ra bayag muno.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 18:28

Mamayag Kou ra ulun ondo' minggana' guang, kaa' paganaan Mu ulun ondo' malilimbau.

MAZMUR 18:29

Mapataak Kou raki' ra sinda; Tuhan i Aki Kapuuno' kuno manampulau ra kalandaman kuno.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 13:9

Ulun motopot koson ra lampung makasinda, kaa' ulun malaat koson ra lampung matikalasa'.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 24:20

Ulun malaat kolondo' orou matong am kolondo' kalansanan.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JUANIS 12:46

Aku minatong ra tana' ti koson ra sinda, maa' raginio moonong ulun ondo' mangintopot Raki' kalo boo mayan ra kalandaman.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

IPISUS 5:8

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.