AYUP 28:28 - Tanou Moonsoi Timugon

²⁸ Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

AYUP 28:28 ပူးပေါင်းရင်းမြစ်များ

1 RAJA'-RAJA' 18:3

ginio ra pampiau Raja' Agab ri Obaja, manalingapu ra istana nano. (I Obaja no sangulun ondo' topot-topot sumambayang ra Tuhan.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 28:12

Kaa' ati kia kauyuman ra kapintaran? Ati kia intok takau makaigigila' maa' raginio makarati'?

AYUP 28:20

Ati kia puun ru kapintaran? Ati kia kaalapan takau ra karatian?

AYUP 28:27

paat raginio noyo kakitanan Nano ra kapintaran am logo ru kapintaran kinamin No, am mangani' Io ra barakat Nano.

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

MAZMUR 94:10

Sinangitan No ngaangai' bansa' – musiti' ukumin No ilo. Io no mangingila' ra ngaangai' ulun – musiti' masuang napandayan Nano.

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

AMSAL 13:14

Pangilaan ru ulun mapintar koson ra uur ru kaayagan; bulintok ilaanon, pangilaan raginio mamayag ra painawo.

AMSAL 14:16

Ulun mapintar kalo maajag-ajag am minggalur ra kalaatan, kaa' ulun sasambungon maajag-ajag am mamatas ra kalo mangkara' pagulu.

AMSAL 16:17

Ulun moonsoi tumuliar ra ralan kalaatan; ulun magalung ra ralan ru kaayagan nano, mangampin ra inan nano galama'.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 3:7

Pai' kou pangkara' ra okou mapintar poyo intor ra sotopot no. Gagaya' no ra Tuhan am inggaluri' kalaatan.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

AMSAL 9:10

Amon ru sumauk kau ra ulun mapintar, pagulu musiti' no mangurumat am malaa' kau ra Tuhan. Amon ru mulig kau ra Io Ondo' Matulai Kaga', paration kau.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

SAGULION 29:29

Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

1 PITRUS 3:11

Moonsoi ru inggalurin no kalaatan am mambaal ayuk ra moonsoi; am poyo gumogot toojo paguyum ra pabansayan, suku' moowot no.