AYUP 27:2 - Tanou Moonsoi Timugon

² “Ralalom inggalan ri Aki Kapuuno' Ondo' Maayo Kaga' Kuasa', i Aki Kapuuno' ondo' maayag, ondo' marara' mangani' raki' ra katimpakan am ondo' nampakapait ra kaayagan kuno,

AYUP 27:2 ပူးပေါင်းရင်းမြစ်များ

2 SAMUIL 2:27

Taam i Joab, “Magibot aku ralalom inggalan ri Aki Kapuuno' ondo' naayag, amon ru kalo rinagu min koson raginio, maaru' ulun-ulun kuno mangilou ramuyun saboi masuaban.”

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 18:15

Taam i Ilia, “Ralalom inggalan ru Tuhan ondo' maayag, Ondo' Maayo Kaga' Kuasa', ondo' sambaan kuno, mambantu' aku mongoi uma' ra raja' ra orou raiti' niayuk.”

2 RAJA'-RAJA' 4:27

Kaa' pakasaboi ruandu' no ra saang ri Ilisa, igulatur samba io am guut ra kalayam ri Ilisa. Masaga' i Gigaji mangail riso, kaa' indagu i Ilisa, “Polosoo' ayuk io. Kalo kia nakapandai kou ra tatanga' io mangiluk guang? Kaa' Tuhan no kalo poyo nambala' raki' ra atan-atan.”

AYUP 10:3

Matimpok kia ra Okou mangimbolo' ti, magasab ra inangun Mutu galama', am mangiou ra inatangan ru ulun malaat?

AYUP 16:11

Pinataak aku ri Aki Kapuuno' ra ulun malaat; pinaratu' No aku ralalom ru kalindu' ru ulun malaat.

AYUP 19:6

Katutuni' min ra i Aki Kapuuno' ondo' nononsol raki'. Pinaatang No pamalandak koson mamparakop raki'.

AYUP 23:16

I Aki Kapuuno' Ondo' Maayo Kaga' Kuasa' namandak ra kinabaani kuno. Malaa' aku sabap ri Aki Kapuuno' am sala' ka sabap ru kalandaman, kabalu' pana kalandaman nampaliput raki' am natauban bulos kuno.

AYUP 34:5

Indagu i Ayup, ‘Kolondo' sala kuno, kaa' kalo nangani' i Aki Kapuuno' raki' ra katimpakan.

AYUP 40:8

Kuminam kou kia mapainono' ra Aku kalo matimpok, am mononsol Raki' ra mangiou rirun?

AYUP 9:17

Inulisap No aku ra bagiu' mapuor kaga', am nangambai ra pilat kuno ra kolondo' sasaban.

AYUP 9:18

Kalo iowon No aku maminawo; tinotop No kaayagan kuno ra mapait.

JISAYA 40:27

Koon poyo raginio, okou Israil, kua kia pangimuag kou, ra Tuhan kalo makapandai ra kapaganan muno, am kalo mampalio ra ondo' kaapuan muno?

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

UNTABAN 14:21

Kaa' nambantu' Aku sabap ra inan Kuno am sabap ra Aku ondo' maayag am makakuasa' ra tana' ti,

RUT 3:13

Kaa' ayan ayuk poyo ragiti. Susuab no, amon ru pabukat raginio masaga' magalung rirun, moonsoi niayuk. Amon ru kalo mambaal aku ra bantu' sabap ri Aki Kapuuno' ondo' maayag ra magalung aku rirun. Raino pombolong no saboi ra susuab.”

1 SAMUIL 14:39

Nambantu' aku ralalom inggalan ru Tuhan ondo' naayag, ondo' mangani' ra kamanangan ra Israil, ra ulun ondo' makasala ukumin ra matoi, inda' pana ru io i Jonatan anak ungkuyon kuno galama'.” Kaa' kolondo' sangulun pana naguta'.

1 SAMUIL 14:45

Kaa' indagu mamagun ra Raja' Saul, “Musiti' kia ukumin i Jonatan ra matoi? Sala' ka kia io nokoowot ra kamanangan ondo' maayo ti? Binantu' mai ralalom inggalan ru Tuhan ondo' naayag, santiis ra abuk ri Jonatan no pana kalo kulawon! Mabaya' ra indangan ru Tuhan, nokoowot io ra kamanangan ra orou raiti'.” Koon raginio noyo mamagun namayag ri Jonatan intor ra ukuman matoi.

1 SAMUIL 20:21

Mopongo raginio manusub aku ra ulipon kuno maguyum ra anak panah no. Amon ru mindagu aku riso, ‘Ilai' noyo, anak panah no mamaar poyo ragiti, alapo' noyo,’ arati' no ra maayag kou am makaingkual. Magibot aku ralalom inggalan ru Tuhan ondo' naayag no ra okou no kalo ra ralalom ru makalalaa' ra atan pana.

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:34

Nanginga' noyo Tuhan no raki' lumaat rirun. Ralalom inggalan ru Tuhan, i Aki Kapuuno' ru Israil ondo' naayag, amon ru kalo nataki' kou nakatuum raki', maaru' ra ngaangai' ulun ri Nabal no minatoi paat ra sumirang mato ru orou!”