AYUP 24:13 - Tanou Moonsoi Timugon

¹³ Mokoondo' ulun ondo' mangimpai ra sinda, kalo nakaulig ilo am kalo minaya' ra ralan no.

AYUP 24:13 ပူးပေါင်းရင်းမြစ်များ

1 RAJA'-RAJA' 3:20

Paat ra tanga' ru rondom, tatanga' ra aku nombolong, tirong io am nangalap ra anak kuno intor raki', am nagibit ra anak kuno ra intok kaalangan nano. Kopongo raginio pinabanta' no baangkai ru anak nano ra intok kaalangan kuno.

AYUP 24:12

Giu' ra bandar morongog tangi' ru ulun ondo' napilatan, am ulun ondo' matipamukat, kaa' kalo rinongog ri Aki Kapuuno' pakiasian nilo.

AYUP 24:14

Paat ra maar matawang, ulun mamatoi mingkual mamatoi ra ulun musikin; am paat ra rondom, mingkual ilo mantakou.

AYUP 24:16

Paat ra rondom ulun mantakou manubol ra baloi ru ulun, kaa' paat ra matawang mansibuni ilo am sumili intor ra sinda.

AYUP 38:13

Igondo' kou kia panusub ra orou tumawang manguasa' ra tana' ti am kabulon ulun malaat intor ra intok pansibunian nilo?

AYUP 38:15

Sinda mato ru orou mapaang kaga' ra ulun ondo' mambaal ra kalaatan, am mongompong risilo intor ra mambaal ra kalaatan.

AYUP 5:14

Paat ra matawang nalumpa' ilo ru kalandaman, saboi matukangkam koson ra paat molondom.

AMSAL 4:19

Kaa' kaayagan ru ulun malaat molondom koson ra rondom. Makasaru ilo am maratu', kaa' kalo mapandayan nilo atan sabap no.

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

JUANIS 12:40

“Nompokoolou i Aki Kapuuno' ra mato nilai, am nambaal risilo mailo mangarati'; koson mato nilai kalo makakito, am guang nilai pana kalo makarati'; am kalo sumaguli' ilo ra Tuhan, koson babason No ilo.”

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

JUANIS 8:31

Kopongo ragili indagu boo i Jisus ra ulun ru Jaudi ondo' nangintopot Riso, “Amon ru gumagaya' kau toojo ra pangilaan Kuno, totopot akau no maamaya' Kuno.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.