AYUP 24:12 - Tanou Moonsoi Timugon

¹² Giu' ra bandar morongog tangi' ru ulun ondo' napilatan, am ulun ondo' matipamukat, kaa' kalo rinongog ri Aki Kapuuno' pakiasian nilo.

AYUP 24:12 ပူးပေါင်းရင်းမြစ်များ

KASAUKAN 4:10

Indagu boo Tuhan, “Kua kia baalo' mu baal makalalaa' ti? Raraa' ru boborok muno nampalaa Raki' intor ra tana', koson ra bolos ondo' mampalaa makitaak ra pakimasian.

AYUP 24:11

Intor ra kawa' ru jaitun nambaal ilo ra umau, am intor ra kawa' ru anggur, nambaal ilo ra inumon, kaa' ilo galama' pinaason.

AYUP 24:13

Mokoondo' ulun ondo' mangimpai ra sinda, kalo nakaulig ilo am kalo minaya' ra ralan no.

AYUP 9:23

Paat kolondo' sala ru ulun no, matoi ra mamulali', makakurit ayuk i Aki Kapuuno'.

AYUP 9:24

Pinataak ri Aki Kapuuno' tana' ti ra ulun malaat, am nompobolou ra ngaangai' akim. I Aki Kapuuno' nambaal ra ngaangai' ti. Amon ru sala' ka Io, osoi poyo?

MAZMUR 10:13

Kua ra ulun mangalaat magasab ri Aki Kapuuno', am mangkara' ilo i Aki Kapuuno' no kalo mangukum risilo?

MAZMUR 109:22

Musikin am naimbolo' aku; napilat kaga' guang kuno.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

MAZMUR 69:26

Polosoon noyo pangkiman nilono masiluk, polosoon noyo ngaangai' minayan ra kim no mapuso.

KAINGKUALAN 22:27

sabap ra sukub ondo' soroi riso koson pampalasu' ra inan nano. Amon ru kalo pasagulion sukub no, kolondo' boo alapon no ra bajang. Amon ru makiindangan io Raki', iningon Ku io sabap ra Aku ti makaasi'.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JISAYA 52:5

Ragino atan kondoyon Ku ragiti? Mamparakop ulun ru Babil ramuyun ra kolondo' sasaban. Ilo ondo' mangimbolo' ramuyun malilimbau am rayusin nilo magasab Raki'.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIRIMIA 12:2

Tinanom Mu ilo koson ra tutuu', ilo pana nanambakat, timinuu' am nangkawa'. Masalok ilo mindagu ra moonsoi intor Rirun, kaa' ralalom ru guang, sotopot no kalo mampalio ilo Rirun.

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

2 PITRUS 3:15

Karaa' min noyo guang pantataan ru Tuhan no rondo' kaluagan ondo' tinaakan ramuyun ra makaalap kau ra pamayagan. Gitio niayuk suang ru surat ri Paulus, pabukat ondo' tagamin takali, ra io nanulis ramuyun maya' ra kapintaran ondo' tinaakan ri Aki Kapuuno' no riso.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.