AYUP 22:27 - Tanou Moonsoi Timugon

²⁷ Paat ra okou makiasi', tumaam Io, am masugut mu ngaangai' bantu' muno.

AYUP 22:27 ပူးပေါင်းရင်းမြစ်များ

2 RAJA'-RAJA' 13:4

Kopongo raginio Raja' Jigoagas nakiasi' ra Tuhan, am nakapandai Tuhan ra mapara' kinalaat ru raja' ru Siria nangimbolo' ra ulun ru Israil. Nangiou boo Tuhan ra pakiasian ru Raja' Jigoagas.

1 TUNUNG RU BANSA' ISRAIL 4:10

Kaa' nakiasi' i Jabis ri Aki Kapuuno' ru ulun ru Israil, kono, “Iou Aki Kapuuno', barakato' aku no, am anii' aku ra tana' ondo' malangka'. Bayaa' aku no am painggaluro' aku no intor ra kalaatan ondo' mangkinibit ra aku marualan.” I Aki Kapuuno' pana nangiou boo ra kinitaak nano.

2 TUNUNG RU BANSA' ISRAIL 33:13

Iniou ri Aki Kapuuno' pakiasian ru Raja' Manasi am nangiou riso siminaguli' ra Jirusalim am niayuk namarinta poyo. Binaal ri Aki Kapuuno' no nampaintopot ra Raja' Manasi ra Tuhan no i Aki Kapuuno'.

AYUP 11:13

Ayup, kapasawo' guang muno, talikur no intor ra tula. Kakato' kalindu' am pakiasi' no ri Aki Kapuuno'.

AYUP 27:10

Musiti' ilo gumogot ra katasuan intor ri Aki Kapuuno', am musiti' ilo masalok makiasi' Riso.

AYUP 33:26

Iowon ri Aki Kapuuno' kitaakon nano paat ra io makiasi'; sambaan no i Aki Kapuuno' ra maansukan, am tapulion ri Aki Kapuuno' baal nano.

AYUP 34:28

Nangkinibit ilo ra ulun musikin mampalaa ri Aki Kapuuno', am morongog ri Aki Kapuuno' laa nilo.

AYUP 8:6

Amon ru totopot mabanis guang muno, matong i Aki Kapuuno' am mangindangan rirun am niayuk tapulion sasambaloi muno koson ra pambalos rirun.

MAZMUR 116:1

Tumogom aku ra Tuhan, sabap ra mangkirongog Io ra piau kuno; mangkirongog Io ra kitaakon kuno.

MAZMUR 116:14

Giu' ra saang ru ngaangai' ru ulun Nano, suguton ku bantu' kuno Riso.

MAZMUR 56:12

Mangintopot aku Riso am kalo malaa' aku. Atan kia maalap kabaal ru ulun no raki'?

MAZMUR 61:5

Polosoo' aku mayan ra kim Muno buoi ra aku maayag; maa' raginio mabayag aku ra saau ru kawo Muno.

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

MAMPATANOU 5:4

Moonsoi poyo ra kalo makimabantu' intor ra kalo suguton bantu' no.

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JIRIMIA 29:12

Bagu no gumolok kau Raki'. Matong kau koson makiasi' Raki' am taamon Ku pakiasian min.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

SAGULION 23:21

“Amon ru mokoondo' kau nazar ra Tuhan i Aki Kapuuno' min, pai' lungkang manugut ra nazar no. Sikaan ru Tuhan nazar mino, am makatula kau amon ru kalo suguton ginio.